Help / Cymorth
« Blaenorol | Hafan | Nesaf »

Tu ol i ddrysau'r shed

Categorïau:

Hywel Gwynfryn | 16:15, Dydd Llun, 5 Hydref 2009

tygeraintlloyd1.jpg

'Da chi'n cofio'r gyfres deledu Bonanza flynyddoedd maith yn ol. Cyfres am gowbois yn byw ar ranch o'r enw Ponderosa. Fe ges i f'atgoffa o'r gyfres pan alwais i heibio Geraint Lloyd y diwrnod o'r blaen, yn ei gartre yn Lledrod. Ond nid yno 'roeddwn i, i gael fy nhywys o gwmpas y stad, ond yn hytrach i fusnesu tu ol i ddrysau ei sied enfawr.

siedgeraintlloyd1.jpg

Ynghanol y sied mae 'na hen dractor coch - sgerbwd o beth a deud y gwir. Ond gan mai hen dractor ei dad oedd, mae Geraint wedi dechrau ei adnewyddu, a'i obaith ydi gyrru'r tractor yn yr orymdaith fawr yn Sioe Amaethyddol Llanelwedd 2010.
Ddiwedd y mis yma fe fydda i, a Geraint hefyd, yn ymweld a siediau led led Cymru
Mawr, bach, pren, carreg, tô sinc, tô llechi, dim tô o gwbwl- dim ots. 'Da ni am glywed am eich siediau chi...

Felly, os oes ganddoch chi sied ddiddorol, neu os wyddoch chi am rywun efo sied
cysylltwch efo hywel@bbc.co.uk , Ac mi ddo i draw a pharcio'r fan tu allan i'r sied - neu tu mewn, os 'di hi'n sied digon mawr!

SylwadauAnfon sylw

  • 1. Am 18:07 ar 5 Hydref 2009, Starter for ten ysgrifennodd:

    Dyma'ch cwestiwn cyntaf...

    Pam nad oes fersiwn Cymraeg o 'Strictly Come Dancing / With the Stars' ?

    Rwy'n siwr gallet ti gael 'Brucie Bonus' am bresentio y rhaglen, ond pwy fyddai'r ferch orau i gymeryd rhan Arlene Philips ?

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.