Help / Cymorth
« Blaenorol | Hafan | Nesaf »

Yng nghesail y moelydd unig....

Hywel Gwynfryn | 14:17, Dydd Llun, 30 Mawrth 2009

fan.jpg

'Sgynnoch chi ryw syniad lle mae'r fan? Yr ateb ydi milltir o Soar y Mynydd, uwchlaw Tregaron. Ond beth am y lluniau yma...


afon.jpg

Un o afonydd enwoca' Cymru, ac fe fydda' i'n pysgota ac yn darlledu ar lan yr afon yma yn y dyfodol agos. Ond ym mhle?


emlyn.jpg

Castell Newydd Emlyn? Nage! Dyma lle bydd y ffermwyr ifanc yn cynnal rasys llygod ar Ebrill 3ydd. Mwy cyffrous o lawer na gwylio Lewis Hamilton yn chwyrnellu o gwmpas y trac. Ac fe gewch chi fwynhau'r holl gyffro a'r hwyl ar raglen Geraint Lloyd Nos Wener Ebrill 3ydd.


stryd.jpg

Ym mha Gwm mae'r tai yma? Yr ateb ar raglen Jonsi pnawn Gwener y trydydd, pan fydda' i yn siarad efo pobol y cwm. Ac yn cael cwmni cerddorol pedwarawd lleol.


cwstard.jpg

Cwstardleuaeth! Heulwen ydi enw'r gogyddes, yng nghantîn yr ysgol sy'n dathlu ei phen-blwydd yn 130 oed fore Gwener Ebrill 3ydd, ar raglen Nia. Fe fydda i yno yng nghwmni cyn ddisgyblion, ac yn cael llond powlen o gwstard Heulwen cyn gadael. Ond lle mae'r ysgol? Atebion cyn bo hir!

Os 'da chi am weld y fan a fi yn eich ardal chi, anfonwch ebost at
hywel@bbc.co.uk 'Dwi'n chwilio am dalentau lleol - unigolion, partion cantorion, offerynwyr, grwpiau, deuawdau. Fe rown ni lwyfan cenedlaethol i'r talentau lleol ar Radio Cymru! Welai chi yn fan yn fuan.

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.