« Blaenorol | Hafan | Nesaf »

Canu gwae

Categorïau:

Glyn Evans | 13:19, Dydd Mercher, 19 Awst 2009

Faint o wynt sydd yna ar ôl yng Nghymanfa Ganu yr Eisteddfod Genedlaethol?

Yr argraff mae rhywun yn ei gael yw fod llai a llai yn ei mynychu o flwyddyn i flwyddyn.
Yn union fel y gwasanaeth bore Sul mewn gwirionedd.

Hyd yn oed yn Y Bala tenau oedd y gynulleidfa gan beri i rai holi, Os dyma'r Bala sut fydd hi yng Nglynebwy y flwyddyn nesaf?

Mae pwnc y Gymanfa yn cael ei godi gan olygydd Y Goleuad, John Gruffydd Jones, hefyd.

Ef wedi sylwi pa mor gaeth oedd nifer o'r cymanfawyr i'w taflen emynau gan na wyddent y geiriau. Flynyddoedd a fu ni fyddai angen taflen o gwbl yw'r ensyniad!

"Ydi ein hemynyddiaeth goeth wedi mynd yn rhan o'r gorffennol erbyn hyn?" yw ei gwestiwn gan ofni mai "caneuon bach arwynebol a mymryn o grefydd yma ac acw" fydd trefn y dyfodol.

A chymryd y bydd yna ganu o gwbl achos mae'n holi ymhellach: "A fydd y Gymanfa Ganu yn rhan o'r Eisteddfod Genedlaethol o gwbl, ac mae'r cyfan fydd gennym fydd darlith mewn pabell digon anghysbell ar gyrion y maes yn sôn am y traddodiad emynyddol yng Nghymru?"

O gyfri'r mynychwyr dyw hwnna ddim yn ddarlun mor afreal â hynny.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.