Help / Cymorth
« Blaenorol | Hafan | Nesaf »

Robin Hood a fferm Dylasau

Categorïau:

Hywel Gwynfryn | 13:09, Dydd Gwener, 11 Mehefin 2010

Dros y blynyddoedd mae 'na sawl ffilm enwog wedi cael ei saethu yng Nghymru - Lawrence of Arabia a' r dwyni Merthyr Mawr, First Knight efo Richard Geere yn Nhrawsfynydd, Inn of the Sixth Happiness ym Meddgelert, Lion in Winter gyda Katherine Hepburn a Peter o'Toole yn Sir Benfro, ac wrth gwrs Carry On Up the Kyber ym mynyddoedd Gogledd Cymru.

Yn ddiweddar fe fu Russell Crowe a'i 'merry men' yn ffilmio ar draethau euraidd Sir Benfro hefyd. Ond mae 'na gysylltiad arall rhwng y ffilm Robin Hood â Chymru. Defnyddiwyd ceffylau o Fridfa Dylasau Isaf, Betws y Coed ar gyfer y ffilmio, ac fe fu perchennog y fridfa Alun Davies, a'i dad Elwyn ym marchogaeth eu ceffylau yn y ffilm.

Ond aeth pethau ddim mor hwylus â hynny. 'Roedd y marchogion, gan gynnwys Elwyn, yn barod i garlamu'n wyllt i lawr y bryn, ond pan waeddodd Ridley Scott 'Action'- gwrthododd ceffyl Elwyn a symud, oherwydd bod y tir yn rhy llithrig. Call iawn.

Mae'r ddau wedi ymddangos mewn ffilmiau eraill hefyd gan gynnwys Merlin a Dragonslayer. Os gewch chi gyfle i weld Robin Hood ewch ar bob cyfri' mae hi'n wych. Ond os 'da chi am weld Alun ac Elwyn a'u cobiau Cymreig, fe fyddan nhw yn Sioe Amaethyddol yn Llanelwedd am yr wythnos ym mis Gorffennaf.

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.