Help / Cymorth
« Blaenorol | Hafan | Nesaf »

Jack a'i gariad, Lady White

Categorïau:

Hywel Gwynfryn | 08:23, Dydd Sul, 27 Mehefin 2010

Mae Jack, wedi gwirioni. Mae o mewn cariad efo merch o dras bonheddig. Ei henw ydi Lady in White, ac fe enillodd hi un o'r prif wobrau yn y Sioe Frenhinol yn Llanelwedd y llynedd.

Ceffyl gwedd ydi Jack sy'n byw yn y cae drws nesa i stablau ei gariad, a phan alwais i draw i fferm Clos Bach, Llanegryn ger Tywyn, roedd Robert a'i fab Edward, yn hapus iawn i mi gael cyfarfod y gaseg hardd sydd wedi mynd a bryd Jack.

jack_ladywhite.jpg

Mae ei chot yn ddu i gyd efo ychydig o wyn ar ei thalcen ac unwaith eto eleni fe fydd hi'n brasgamu'n osgeiddig o gwmpas y prif gylch efo'i mwng a'i chynffon wedi eu plethu â rhubanau lliwgar, fel y stalwyni a'r cesig gwedd ym Mhrimin Môn ers 'talwm.

Mae gen i go plentyn o fynd i'r Primin yn llaw fy Nhaid, a fynta'n mynnu stopio i siarad efo'r ffermwyr i gyd a thrafod ansawdd y gwartheg a'r ceffylau, a'r defaid, a finna' jyst a marw isio cornet eis crîm! Er mae hogyn o'r dre ydw i, fe ges i bedwar diwrnod wrth fy modd yn y Sioe Frenhinol y llynedd, ynghanol cynnyrch gorau cefn gwlad Cymru, ac fe fydda i'n darlledu o'r Sioe bob dydd ar Radio Cymru, eto 'leni.

Pwy a ŵyr na fydda i'n llongyfarch Robert ac Edward, a Lady in White ar ennill y brif wobr eto 'leni?

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.