Help / Cymorth
« Blaenorol | Hafan | Nesaf »

Sied Fawr Nantlle

Categorïau:

Hywel Gwynfryn | 16:37, Dydd Iau, 13 Mai 2010

Ers dechrau'r flwyddyn, ar gyfer rhaglen nosweithiol Geraint Lloyd ar Radio Cymru,
'dwi wedi bod yn busnesu tu ôl i ddrysau siediau ledled y wlad.

Siediau mawr, yn llawn tractors a hen geir, siediau bach lle mae'r perchennog wrth ei waith yn cerfio llwyau caru, neu'n turnio powlenni, ac un shed yn Aberteifi lle adeiladwyd dwy awyren.

Os oes ganddoch chi (neu'r dyn drws nesa') shed yn llawn pethau diddorol, cysylltwch efo fi hywel@bbc.co.uk ac fe ddaw Geraint a finna' draw am sgwrs.

Fe gyrhaeddais i shed fawr fferm ger Nantlle erbyn tua hanner awr wedi wyth y bore, mewn pryd i weld y defaid a'r ŵyn yn cael eu bwydo gan Glenda a Gwawr ei merch.

sied_defaid.jpg

Craffwch yn ofalus ar y llun, ac efallai y byddwch chi'n nabod wyneb Glenda.

Roedd hi'n un o'r cystadleuwyr yn y gyfres boblogaidd Fferm Ffactor ar S4C yn ddiweddar, ac mae Gwawr, a'i chwaer Mari wedi bod yn gystadleuwyr llwyddiannus iawn dros y blynyddoedd hefyd yn barnu ŵyn, ac mae Gwawr yn dipyn o arbenigwraig ar y defaid duon, sy'n f'atgoffa fi'n syth o Geraint Lloyd, unwaith eto.

Cysylltwch efo Geraint, geraint@bbc.co.uk, neu fi, os wyddoch chi am shed sydd â stori ddiddorol tu ôl i'w drysau.

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.