Help / Cymorth
« Blaenorol | Hafan | Nesaf »

Seren y 'Steddfod

Categorïau:

Hywel Gwynfryn | 12:31, Dydd Llun, 17 Mai 2010

Cofiwch yr enw Guto Lewis. Mae o'n canu, yn adrodd ac er mai dim ond tair oed ydi o,
mae ganddo fo farn bendant iawn. Oherwydd pan welodd o faint y cwpan yr oedd o wedi
ei hennill am adrodd yn eisteddfod Llandudoch, ei ymateb oedd "Fi moin cwpan fwy!" Ac fe ddaw 'na chwpanau mwy a medalau lu i Guto yn y dyfodol, yn sicr.

llandudoch_cwpan.jpg

Mae eisteddfod Llandudoch yn enghraifft perffaith o'r eisteddfod fechan lwyddiannus efo trefnwyr brwdfrydig, fel Melrose Thomas a Terwyn Thomas, sy'n bwydo'n eisteddfodau Cenedlaethol ni efo cystadleuwyr. Heb y rhain fydda 'na ddim dyfodol i'r Eisteddfodau mwy.

llandudoch_eisteddfod.jpg

Fe ges i brynhawn wrth fy modd yng nghwmni'r gynulleidfa a chyfle hefyd i adrodd y stori ar raglen Nia fore Llun. Gyda llaw, 'roedd y salad y pice ar y ma'n, a'r brechdanau wy yn y gegin yng nghefn y neuadd yn haeddu tystysgrif 'Highly Commended' hefyd!

Mae 'na fwy o deithio i'r fan a fi yr wythnos hon.

Ddydd Mawrth fe fydda' i yn y Gerddi Botaneg yn darlledu Neges Ewyllys da'r Urdd yn y bore a chyda'r nos yn galw heibio Côr Waunarlwydd i gael dymuno pen-blwydd hapus i'r côr yn ddeugain oed.

Yna, ddiwedd yr wythnos ymweliad ag Abergwaun i weld beth fydd yn digwydd pan fydd y Llydäwyr, nid y Ffrancod, yn glanio.

"Ond pam na tydi o ddim yn galw acw" meddach chi. Wel, os oes 'na unrhyw beth diddorol yn digwydd yn eich ardal chi, e-bostiwch fi, hywel@bbc.co.uk, ac fe fydd y fan a fi, yn y fan a'r lle.

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.