Help / Cymorth
« Blaenorol | Hafan | Nesaf »

Plasty, pysgod, palu a malu...

Hywel Gwynfryn | 14:16, Dydd Gwener, 27 Chwefror 2009

IMG_04791.jpg

Llun y van yn ymyl Llyn y Fan? Wel, Llyn Clywedog fel mae'n digwydd
ar fan a fi ar y ffordd i Blas Glynllifon.


IMG_0473.jpg

'Roeddwn i wedi cael gwahoddiad i barti yn y Plasdy nos Fercher i ddathlu penblwydd dosbarth Cynghanedd Karen Owen (hi 'di'r Ledi in red ar y chwith)
yn 5 oed. Wrth ochor Karen mae Annes Glyn, bardd cadeiriol, Steddfod Chwilog yn ddiweddar. Braich John Benjamin sydd am ysgwydd ei wraig Mary. Ieuan Parry ydi'r bardd barfog a Gwynfryn o Fôn sy'n y cefn.


IMG_0474.jpg

Mae Coleg 6ed. Dosbarth Meirion Dwyfor ar yr un safle a'r Plasdy
a chriw o'r coleg oedd yn dewis "Can cyn cychwyn" ar raglen Eleri a Dafydd
am 8.30 y bore ar ôl y dathlu yn y Plas. Big Leaves yn canu Meillionen oedd y dewis.
Addas iawn i fyfyrwyr amaethyddol.


IMG_0468.jpg

O'r plasdy wedyn i'r felin. Hen Felin y Cim. Nid malu mae'r felin y dyddiau yma ond
croesawu. Ac mae na le clyd tu mewn i ymwelwyr aros ar lan yr afon Llyfni.


IMG_0467.jpg

A dyma rai o aelodau Cymdeithas Pysgotwr Seiont a Gwyrfai sydd tu ol i'r fenter.
Y trydydd o'r chwith yn y siwmper goch ydi un o sêr cynnar S4C- Huw Geraint- y Fet.

IMG_0476.jpg

Panad o de wedyn yng Nghanolfan arddio Frongoch, ger Caernarfon yng nghwmni, dwy o flodau Pencaenewydd, Lizabeth Hughes a Gwyneth Jones.


IMG_0478.jpg

Ac ar ol y banad, sgwrs am y Ganolfan ar raglen Nia efo Justin a'r tîm.

Os 'da chi, am i ni, y fan a fi, ddwad acw i weld beth sy'n digwydd a rhoi sylw cenedlaethol i'r diwgwyddiad lleol ar Radio Cymru, ebostiwch hywel@bbc.co.uk

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.