Help / Cymorth

Archifau Awst 2010

Goldfrapp yn Amsterdam

Nia Medi Nia Medi | 12:22, Dydd Mawrth, 31 Awst 2010

Sylwadau (0)

Fi'n hoff iawn o fynd dramor i weld bands yn chware am ddau rheswm da iawn.
1) Mae'n gyfle i archwilio dinas / lle newydd yn y byd, a
2) mae'n rheswm cadarn a chredadwy pam bod eich Mam yn gofyn 'Nia, Pam wyt ti'n mynd i Amsterdam?'

Ie, i Amsterdam yr es i (bythefnos yn ôl erbyn hyn) am 3 noson, ac o'n i ddim yn dweud celwydd wrth Mam - ar yr ail noson es i weld Goldfrapp yn chware yn clwb Paradiso yn y ddinas. Ma nhw newydd rhyddhau ei pumed albym stiwdio 'Head First' sydd yn pop-tastig o wych! Pan glywes i fod nhw'n chware yn y 'Dam, o nhw heb gyhoeddi ei taith Brydeinig eto, a dwi'n falch o hynny achos ges i amser hollol FFAB!

Os chi'n ffan o Goldfrapp byse chi wedi bod wrth eich bodd - caneuon gwych o'r albym newydd a chymysgedd o hen glasuron fel 'White Horse', 'Ooh la la la', a hyd yn oed y clasur 'Utopia' o'r albym orwych gyntaf 'Felt Mountain'.

Rodd e'n hyfryd, yn wallgo, yn brydferth ac yn rhywiol - i gyd ar yr un pryd, ond dyna ddigon am 'ardal y Golau Coch'... Ro'dd Alison Goldfrapp ar ei gorau ac yn atgyfnerthu ei statws fel brenhines pop electro y funud. Ma nhw'n chware ym Mhrydain cyn hir a bysen i'n argymell i chi fynd i weld!

Dyma lun o Goldfrapp yn Amsterdam:

46089_10150244823165346_653250345_13794322_4454484_n.jpg

Bant i Asia ydw'i nesa, nid i weld band y tro hwn (er mae'n siwr y nai weld gyrn dipyn yno - y tro diwethaf es i, weles i'r band Jazz Vietnamses mwya gwallgo erioed yn chware yn y brif ddinas, Hanoi) ac yna fyddai nol ar ôl dôs dda o gelfyddyd hollol wahanol.

Ma gwylie Cymreig yr Haf yn gallu 'neud hyn i fi o bryd i'w gilydd - wedi gweld yr un bands yn chware gyment o weithiau (er yn wych) a gweld yr un bobl drosodd a throsodd (er, hefyd yn wych), ambell waith mae'n rhaid dianc... i ben draw'r byd!

Erbyn i fi ddod Nol mi fydd band roc Alien Square wedi darlledu eu sesiwn ar gyfer C2 (Ma' nhw'n recordio 'da Tim Hamil nawr) a rwy'n edrych mla'n i gael tipyn o roc newydd ar yr awyr!

Tan y tro nesa
chào từ biệt ai, chia tay ai!

Nia xx

Edrych nol ar y Steddfod...

Categorïau:

Magi Dodd Magi Dodd | 18:28, Dydd Mawrth, 10 Awst 2010

Sylwadau (0)

Steddfod arall di dod i ben. Gutted.

Dwi'n meddwl o'dd Steddfod Blaenau Gwent a Blaenau'r Cymoedd yn un llwyddiannus dros ben a licen i longyfach Cadeirydd y Pwyllgor Gwaith - Richard Davies a phawb arall fu'n rhan o'r trefnu.

Mi odd 'na gwyno, grwgnach a chwmpo mas ar Taro'r Post fel ym mhob Steddfod - ond roedd egni, ymroddiad, balchder a chroeso pobl yr ardal 'di neud hi'n steddfod arbennig a bythgofiadwy.

Mi odd criw C2 yn gweithio ym Maes B drwy'r wythnos. Ro'dd y 9 ohono ni yn aros mewn winabegos ar y maes carafanne, sy yn swnio mooooor posh fi'n gwbod. Ond credwch chi fi - ar ôl wthnos o ddefnyddio'r tai bach cemegol, gorfod dringo lan a lawr ysgol bren er mwyn mynd i'r ty bach ganol nos, rhannu gwely, a byw mas o gês - dyw e ddim mor glam a ma'n swnio. A gwagio'r elsan??! Nai ddim hyd yn oed dechre.....

Yr uchafbwyntie i fi eleni oedd:

YM MAES B
* Setie Crash Disgo, Promatics, Derwyddon, Y Bandana, Yr Angen - a phob artist nos Sadwrn (y nos Sadwrn ola nes i fwynhau fwya dwi'n meddwl)

LLWYFANNE PERFFORMIO'R MAES
* Meic Stevens, band newydd Alun Gaffey - Y Sbectol a set unigol Iwan Huws o Cowbois.

PETHE ERILL
* Darlith Mary Wiliam ar yr Wenhwyseg yn y Babell Lên. Odd hi'n fab!
* Y Clini-fws nath hebrwng ni i'r parti swigod ar y nos Sadwrn cynta. Dyle pawb fynd ar y Clini-fws unwaith oleia cyn iddyn nhw farw.
* Y sgwrs ges i gyda Phil a Geth o Gwibdaith nos Wener - o nhw yn lyfli!
* Cân y Tân gan Bandana - chiiiiaaaawn y Steddfod
* Argymhelliad Jeni Lyn - albym newydd yr Hwntws. Ma nhw'n ace
* Fy nith, Ella yn mynnu cal mynd i'r "castell pinc" ar y maes ac yna yn cael ei swyno gan hud yr awrygylch. Ond nath hi ofyn sut odd y dywysoges yn gallu cysgu tra bo gymaint o bobol yn canu a chlapio. (Y ddwy ohono ni yn llathen o'r un brethyn!)
* Y portalws hynod hyfryd nath gyrraedd tu fas in winabegos ni ar ddydd Gwener ola'r steddfod. (Falle nes i ddim son - o ni mewn maes parcio ar y maes carafanne - yn hytrach nag AR y maes carafanne ei hun). O nhw'n lush! Mi odd llunie a blodau a phapur ty bach a phopeth....

Ma na gwpwl o bethe bach nath ddim taro deuddeg ac mi gewch chi glywed be yn rhan 2 o fy mlog eisteddfodol... oooo - bet bo chi ar bigau'r drain!

M x

Joio yng Nglyn Ebwy

Categorïau:

Huw Stephens Huw Stephens | 14:36, Dydd Llun, 9 Awst 2010

Sylwadau (0)

Roedd nos Lun a nos Fawrth yn Maes B yn lot o hwyl - llongyfarchiade mawr i'r bandiau ag artistiaid nath gystadlu yn Brwydr y Bandiau!

Crash!Disco nath ennill y wobr fawr; mil o bunnoedd, sesiwn C2 a gig nos Sadwrn ym Maes B. Maeln braf iawn gweld fod Gethin Evans a Bethan Elfyn y beirniaid wedi mynd am artist sy;n gwthio pethe mlaen - mae cerddoriaeth Gruff Crash!Disco wedi bod yn chwa enfawr o awyr iach yn ddiweddar, a cyffrous ydi gweld e'n chwarae gyda band nawr yn ychwanegu at ei swn electro. Cyffrous!

Ac roedd sesiynnau Colorama, Ginge a Cello Boy, Steffan Huw a Ryan Kift yn arbennig iawn. Os chi heb weld y fideos eto, mae nhw fan hyn i chi fwynhau.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.