Help / Cymorth

Archifau Medi 2008

Y Dodd ar Daith....

Categorïau:

Magi Dodd Magi Dodd | 14:25, Dydd Iau, 25 Medi 2008

Sylwadau (0)

Beth fyddwch chi'n neud dros y penwythnos? Mynd i siopa? Gwylio gêm bêl-droed neu rygbi? Aros yn y gwely? (neis)

Fi? Fyddai'n paratoi yn feddyliol ac yn gorfforol ar gyfer Taith Bandit C2 2008! Allai'm aros! Ma' leni'n mynd i fod yn well nag erioed o'r blaen.

Os dych chi ddim yn gwbod be yw Taith Bandit C2 - nai weud wrthoch chi; y daith gerddorol ore yn y byd i gyd (yn fy marn i wrth gwrs!)

Mi fydd criw C2 a Bandit yn pacio'n bagie ac yn llwytho ein tour bus arbennig, ac am fis cyfan yn ymweld ag 20 o ysgolion dros Gymru. Dyn ni ddim yn mynd ar ein penne ein hunan, achos er bo Huw Evans yn gyflwynydd arbennig dyw e ddim yn gallu canu'n dda iawn (a fi? wel - chi di clywed Cân am Sanna??) - felly ryn ni'n taflu rhai o fandie gore Cymru mewn i sedd gefn y bws!


Llynedd Y Rei oedd band y daith - ac roedden nhw'n anhygoel, felly ryn ni di gwahodd nhw nol leni. Nhw fydd y prif fand yn ystod yr wythnos gynta'.

Y Khan mawreddog fydd yn neud i chi moshio yn ystod yr ail wythnos.

Os ryn ni'n dod i'ch ysgol yn ystod y drydedd wythnos - Frizbee fydd yn neud i chi rocio

A llais hudolus Elin Fflur fydd yn cloi'r daith - hi fydd 'da ni yn ystod yr wythnos ola. (dim just ei llais hi - fydd hi yna hefyd!)

Fyddwn ni hefyd yn rhoi cyfle i chi fod yn Dj's ac yn gyflwynwyr teledu. Fydd eich llunie chi lan ar safle gwe c2 bob dydd a newn ni chware eich dewisiade cerddorol bob nos ar C2. Mewn gair bobol - mae'n mynd i fod yn blwmin brilliant!

Fyddai'n sgwnnu blog dyddiol o bob ysgol fyddai'n ymweld â hi. Fyddai hefyd yn gwisgo outfit gwahanol bob dydd - y bwriad yw trio gweddu fy ngwisg gyda'ch gwisg ysgol chi. Falle eith pethe yn Pete Tong os oes gyda chi wisg ysgol melyn a brown ne rwbeth - ond nai drio. Addo.

Os chi ise gweld os ryn ni'n dod i'ch ysgol - ewch i bbc.co.uk/c2

Reit bobol - fi'n mynd i ddechre pacio - gobeithio welai chi cyn bo hir!

M x

Euros Childs yn stiwdio C2

Categorïau:

Huw Stephens Huw Stephens | 13:43, Dydd Mawrth, 23 Medi 2008

Sylwadau (0)

Roedd Euros Childs yn westai ar y rhaglen wythnos yma.

Fi di bod yn ffan o sgwennu Euros ers i fi glywed ei fand blaenorol, Gorky's Zygotic Mynci, ar Radio Cymru yn y nos pan o'n i yn ysgol. Dath y band i ben a nath Euros ryddhau tri albym ar label Wichita.

Roedd Chops yn gasgliad diddorol, bron fel mixtape o ganeuon a syniadau roedd e wedi bod yn gweithio arnyn nhw, ac roedd Bore Da yn llawn tiwns pop gwych fel Sandalau, Ar Lan y Mor a Cwtsh.

Roedd The Miracle Inn falle yn albym mwy aeddfed, ond Cheer Gone yw'r un hyfryta eto. Wedi ei gynhyrchu yn Nashville mae'r cynhyrchu gan Mark Nevers (Lambchop a llu o fandie gwych erill) yn dod a'r offerynnau i'r amlwg yn esmwyth a mae geirie a canu Euros yn feloncolaidd a arbennig.

Roedd e'n hyfryd cal sgwrs gyda Euros, nath e ddewis tiwns gan Moondog i chware, a sengl newydd Threatmantics. Mae'r clawr yn wych;

Clawr sengl newydd y Threatmantics

Ond mae'r trac hyd yn oed yn well.

Bestival: Gwisgo welis fy nghariad!

Categorïau:

Huw Stephens Huw Stephens | 12:55, Dydd Llun, 8 Medi 2008

Sylwadau (0)

Helo eto.
Heno ar y rhaglen bydd Yr Ods yn dod mewn i ddeud helo i ddathlu'r ffaith bod ei sengl cynta nhw allan ar label Ciwdod. Mae hyn yn newyddion da o lawenydd mawr achos mae'n wych iawn.

Yn ddiweddar fi di bod yn rhedeg rownd y lle a neud yn siwr bod diwedd yr haf yn llawn o gerddoriaeth da. Es i i Bestival ar Ynys Wyth ar y dydd Gwener. Fi erioed di gweld gymaint o fwd mewn gwyl, ond yn ffodus roedd gen i welis. Ond welis maint 6 fy nghariad, felly roedd o braidd yn boenus cerdded o gwmpas yn chwilio am fandie!

Nes i weld bach o Santogold, Pendulum, My Bloody Valentine a Kissy Sell Out. Gath y llwyfan on i fod djo ar gael ei ganslo am weddill y noson felly nes i ddim neud fy set djo fel on i fod i neud. Dim ond un lle oedd i fynd - neidio ar gwch, tren a car i Aberteifi. Roedd y cwmni dillad Howies wedi trefnu pewnwythnos o drafodaethau ar sut i fod yn gwmni gwyrdd ac yn y blaen, a nes i djo set llawn tiwns bownslyd ar ol i fand gwych o America (sy'n byw yn Bwlgaria) chware set - A Hawk and a Hacksaw yw ei henw nhw.

Yn fuan ar y rhaglenni nos Lun a Mawrth - sesiwns newydd gan Rufus Mufassa (y rapwraig o Bontypridd), y Zimmermans, Alun Tan Lan, Colorama, a gobeithio y bydd Euros Childs yn dod mewn i'r stiwdio i ddeud helo a chyfle I ni glywed tracs oddi ar ei albym newydd arbennig - Cheer Gone...

Hwyl am y tro
Huw.


Dodd Wan...

Categorïau:

Magi Dodd Magi Dodd | 19:03, Dydd Mercher, 3 Medi 2008

Sylwadau (2)

Helo, dyma fi Dodd Wan, chwaer ysbrydol y steilydd ffasiwn Gok Wan. Fi'n mynd i adel chi gwybod be ddylech chi fod yn gwisgo dros fisoedd yr Hydref os chi moyn edrych yn hot.

Nath y steilydd Elinor Gardner ddod mewn i'r rhaglen wthnos dwetha felly ma rhaid cyfadde' ma diolch i hi dwi'n gwbod be di be. Co ni off 'de;

Merched
Teits patrymog (na - fi ddim cweit yn siwr chwaith)
Cot liwgar
Jins Flares/Booleg (newyddion da i bobol fel fi sy â phen ôl mawr - ma sgini jins MAS! hwre!)
Tartan (ond peidiwch a gwisgo Tartan o'ch corun i'ch sowdwl neu newch chi edrych fel chav)
Mwclusau a chlustlusau mawr
Bwts fflat
Siacedi wedi eu teilwro (tebyg i siaced tuxedo)
Cryse gwyn


Bechgyn

Cryse sy'n dangos siap y corff
Belts mawr
Jins tywyll
Cryse ti bandie vintage


Felly - na chi y steils allweddol ar gyfer yr hydref. Fyddai ddim eu hangen nhw am bythefnos achos dwi ar fin ffoi i wlad boeth a phell i gael gwylie! Hwre! Hefin Thomas a Mari Lovegreen sy'n edrych ar ol y rhaglen - felly rych chi mewn dwylo saff.

Welai chi mewn penwythos!

M xxx

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.