Help / Cymorth
« Blaenorol | Hafan | Nesaf »

Sengl newydd Gwyneth Glyn a Cowbois

Categorïau:

Gareth Iwan | 11:47, Dydd Mercher, 9 Gorffennaf 2008

Ma sengl newydd Cowbois Rhos Botwnnog a Gwyneth Glyn wedi bod 'chydig bach fel Sion Corn. Does neb wir yn siwr os dio'n bodoli, ond mi fysa'n neis tasa fo yn wir. Yn achos Cowbois a Gwyneth, mae dolig wedi cyrraedd go iawn.

Gwyneth a'r Cowbois

Gwyneth a'r Cowbois ar eu ffordd i Rodeo ym Mhen Llŷn yn y fan. Falle.

Mae gen i gopi o'r sengl, ac ma hi'n hollol wych. Tair cân country ar ei ora. Fersiwn newydd o gân draddodiadol ydy'r brif gân - Paid A Deud, wedi ei recordio yn steil unigryw Coboiws, ond gyda llais hyfryd Gwyneth a pedal-steel anhygoel gan Euron Jones hefyd. Wedyn ma na fersiwn hwyliog a chyflym o Mhen i'n Llawn Ohonat Ti, yn wreiddiol oddiar Tonau, hefo sŵn pedal steel Jos yn distortio'n wych yn y cefndir, a gitars y Cowbois yn gwthio'r rhythm ymlaen. A wedyn i gloi ma na fersiwn hiraethus o Musus Glaw.

Ma gan canu gwlad enw eitha dodgy yma yng Ngymru, ond mae'n fath o gerddoriaeth dwi wrth fy modd hefo fo ar ei ora, a gobeithio y gwnaiff y sengl yma newid meddylia rhai pobl am y math yma o gerddoriaeth.

Bydd Lisa'n chwarae'r caneuon nos Iau am 10pm, ac mi fydd Cowbois a Gwyneth hefo Lisa nos Wener am 10pm.

Ma Sion Corn wedi cyrraedd, ac mae o'n gwisgo crys check.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.