Help / Cymorth
« Blaenorol | Hafan | Nesaf »

Pwy sy yn y Sesiwn?

Criw C2 | 13:28, Dydd Sadwrn, 19 Gorffennaf 2008

Fuon ni am dro bach o amgylch y Marian i weld pwy sy di cyrraedd y Sesiwn hyd yn hyn...


Mae Hefin Jos (Tŷ Newydd Sarn) yn edrych mlaen i weld Plant Duw, Steve Eaves a Cowbois Rhos Botwnnog ar y brif lwyfan - "roedden nhw'n wych llynedd". Mae'n falch bod tipyn o bobl di troi fyny neithiwr, "roedd Sibrydion yn wych a Huw Chiswell wedi delifyro".


Mae Geraint Løvgreen yma i lansio ei CD newydd heno yn Tŷ Siamas. Ar hyn o bryd mae wrth ei fodd efo Buena Risgah Social Club - "ddylen nhw fod yn chwarae heno, mae'n gerddoriaeth diwedd nos". Mae'n edrych mlaen i weld Steve Eaves ac Endaf Emlyn.


Mae Helen Bradley o Ddolgellau yn un o'r tîm enfawr sy'n gweithio tu ôl y bar. "Ond dwi'n cael gorffen am 6 o'r gloch a wedyn dwi'n mynd i fwynhau!"


Mae Sadie a George o Kent yn Lloegr ond mae ganddyn nhw deulu yn ardal Dolgellau felly wedi dod draw i weld sut hwyl sydd yn y Sesiwn. Maen nhw'n mwynhau hyd yma!


Mae Catrin a Shauna wedi dod lawr o Fangor bore ma ac wedi codi eu pabell yn barod. Dyw'r maes gwersylla ddim yn wael iawn o ystyried y tywydd medden nhw!


Meike, Thea, Amelie ac Ifor o Aberystwyth - yn gwylio dad yn perfformio gyda Lowri Evans


Bois Brigyn a ffrindiau - Endaf Emlyn fydd uchafbwynt y diwrnod iddyn nhw.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.