Help / Cymorth

Archifau Awst 2007

Magi ar ei gwyliau!!

Categorïau:

Magi Dodd Magi Dodd | 12:00, Dydd Llun, 27 Awst 2007

Sylwadau (0)

Mae Magi Dodd wedi cael caniatad i fynd ar ei gwyliau. Mi fydd hi nôl wythnos nesa efo blog continental!

Y Briodas Fawr!

Categorïau:

Glyn Wise Glyn Wise | 12:00, Dydd Llun, 27 Awst 2007

Sylwadau (0)

Dydd Gwener a mi roedd yr amser wedi dod i'r Briodas Fawr. Roedd Lee & Anna yn priodi ddydd Gwener a fi yn neud y colur i Anna a'r morynion priodas, OND, hanner ffordd fyny i'r gogledd, mi nes i sylwi fy mod wedi anghofio'r colur i gyd (a ddim colur rhad chwairth! wps!) Wedi cyrraedd y ty, roedd yn rhaid i mi dorri'r newyddion i Anna am y colur - oni wir ddim isho sbwylio ei diwrnod hi, ond yn lwcus i mi, dwedodd hi wrthai am "beidio a phoeni a mynd i'r llofft i nôl ei make-up hi". Diolch Anna! Dechreuais efo'r morynion, ond gorfo ni olchi hwnnw gyd i ffwrdd a dechre eto. O'r diwedd daeth popeth at ei gilydd a phawb yn falch o'u make-up. Roedd yn ddiwrnod lyfli. Pob lwc i'r dyfodol ichi Lee & Anna.

Dydd Sadwrn, fues i a Magi i fyny i Geredigion i Rasus Tregaron - felly, roedd rhaid mentro ar y ceffyle yn doedd?! Chware teg, mi ddaru Huw Evans, Cadeirydd Clwb Trotian Tregaron ddod a'i geffyl rownd i'r cylch i mi gael troi fy llaw ar fod yn joci! Ar y cart a fi....a dyma'r ceffyl yn neidio (fel y "Lone Ranger" ers talwm)! Scary neu be?! Roedd fy shorts gwyn bron a troi'n frown!! Ond, wedi i'r ceffyl setlo, fues i'n mynd rownd y trac efo Huw Evans yn gafael yn dyn ar y ceffyl!! Oni'n reit falch o gael fy nhraed nôl ar y ddaear!

Tan y tro nesa...

Hwyl

Glyn

x

Penblwyddi!

Categorïau:

Magi Dodd Magi Dodd | 12:00, Dydd Llun, 20 Awst 2007

Sylwadau (0)

Ma penblwyddi yn ace nag yn nhw? Fi erioed wedi deall pobol sy ddim yn mwynhau eu diwrnodau mawr. Dyna'r un diwrnod yn eich bywyd (ar wahan i'ch priodas a'ch angladd) fod pawb yn gorfod bod yn neis i chi.

Ma fy mhenblwydd i ym mis Mawrth (yr 8fed os ych chi am nodi'r dyddiad yn eich dyddiaduron) ond ma Awst 16eg yn ddiwrnod penbwlydd i Alun a hefyd i Ella fy nith. Ddwy-waith y rheswm i ddathlu!

Gath Ella ac Alun ddiwrnod lyfli - ond fi'n siwr ges i ddiwrnod gwell na'r ddau ohonyn nhw! Ma just bod gyda'ch teulu a'ch ffrindiau yn rhoi popeth mewn cyd-destun. Falle'ch bod chi yn sgint, neu yn cael diwrnod gwael yn yr ysgol neu waith neu falle'ch bo chi'n meddwl bo gyda chi fat bum (fel fi), ond pan y'ch chi'n treulio amser gyda phobol chi'n caru - a sy'n caru chi - ma popeth yn ok.

Felly fy neges-ette i chi gyd yr wythnos hon yw gnewch y gore o'ch teulu a'ch ffrindiau achos rili - dim ond nhw sy'n bwysig. Fi'n teimlo'n reit emosiynol nawr felly fi off i dreulio noson gyda fy ffrindiau mewn bwyty lawr y bae! Fat-bum, shmat-bum - mwy o bopadoms plis!

M xxx

Merched y Brawd Mawr

Categorïau:

Glyn Wise Glyn Wise | 12:00, Dydd Llun, 20 Awst 2007

Sylwadau (0)

Ges i wythnos brysur iawn - yn gynta fues i'n ymarfer efo'r colur ar gyfer y gyfres "Briodas Fawr" ar S4C a dwi'n reit siwr fydd y briodferch ddim yn edrych fel panto dame ar ôl i mi orffen efo'i!

Nos Iau mi fues i lawr i Lunden i fynd am neit owt efo Kinga, sef un o gystadleuwyr y Brawd Mawr nôl yn 2005. Wel, sôn am hwyl. Ma Kinga yn byw stepen drws i ffwrdd o dy'r Brawd Mawr, felly fuo ni lawr fa'no i weld be oedd be, a tra oedden ni yna, gafo ni ein gwahodd i fod yn gynulleidfa "Big Brother's Big Mouth" a fues i'n son am y profiad o neud Big Brother llynedd.

Pnawn Sadwrn ar ôl y sioe, mi fues i'n lwcus iawn i gael tocyn i gem rygbi gyfeillgar Cymru yn erbyn Ariannin. Ma'r awyrgylch yn y stadiwm yn drydanol a ma sefyll a canu'r anthem yna yn rhoi goosebumps i fi......a mi nath Cymru ennill 'fyd!!

Nos Sadwrn, mi ddaeth Emily a Laura o'r gyfres eleni i lawr i Gaerdydd am noson allan. Mae noson rygbi yng Nghaerdydd wastad yn noson dda a dwi'n meddwl fod Emily wedi cael agoriad llygad go iawn!

Tan tro nesaf!

Hwyl

Glyn

x

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.