Dwi'n casau'r A470!!

Dim lot i fynd rwan tan y marathon!! Dwi'n dechrau poeni! Ma gen i personal trainer erbyn hyn, sydd wedi bod yn rhoi tips da iawn i fi. Nes i benderfynu ar ol y rhaglen y baswn i'n mynd allan i dre, y noson ola i fi gael alcohol cyn y ras fawr. Ar hyn o bryd fy hoff far yng Nghaerdydd ydi Tiger Tiger, a dwi fel arfer yn cael nosweithiau da yno! Ond o na ddim y nos Sadwrn yma- slap ar draws fy ngwyneb oedd hi gan ryw gariad cenfigennus oedd ddim yn hapus fod ei gariad yn siarad efo fi!

Gwneud fawr ddim byd dydd Sul, treulio rhanfwyaf y diwrnod yn y pwll nofio efo fy ffrind Keira, diwrnod eithaf tawel gan fod yna wythnos galed o ymarfer o fy mlaen!

Diwrnod llawn arall dydd Llun. Treulio'r bore yn ymarfer gyda fy 'personal trainer' cyn i griw Uned 5 ddod draw i ffilmio eitem arnai yn ymarfer ar gyfer y marathon. Ymarfer badminton wedyn gyda'r nos - a gwely cynnar gan fy mod i wedi blino!

Dydd Mercher mi oedd Daf Du a fi ar Wedi 7 - unwaith eto yn trafod y marathon. Dyna i gyd dwi'n neud wythnos yma, dwi'n byw a cysgu y marathon yma! Nath Daf a fi gael bet ar Wedi 7 - bet o 50 ceiniog i bwy bynnag sy'n ennill. Dwi'n ama y bydd Daf yn fy nghuro i gan ei fod o wedi bod yn ymarfer am dros 6 mis a fi ond wedi bod yn rhedeg ers tua mis!

Nôl i Blaenau Ffestiniog dydd Iau i ffilmio ar gyfer y rhaglen ddogfen amdanaf i a Imogen fydd ar S4C ddiwedd mis Mai. Mi wnaethon nhw ffilmio fi a fy ffrind ysgol David yn yfed cans tu allan i'r ty, a hefyd ffilmio fi a Mam yn bod yn wirion! Es i ar criw ffilmio draw i'r ganolfan chwaraeon i ddangos lle o ni'n arfer gweithio pan oeddwn ni yn yr ysgol. Nathon nhw ofyn i fi redeg ar hyd ochr y pwll fatha David Hasselhoff!!

Pam pam pam fod yr A470 mor hir a phell? Mae teithio o'r gogledd i'r de yn cymeryd drwy'r dydd! A dyna'i gyd wnes i dydd Iau oedd eistedd yn y car rhwng Blaenau a Chaerdydd, a'r peth mwyaf exciting wnes i oedd stopio am chips yn Builth!

Syth ar ôl rhaglen heddiw dwi off i Lundain - marathon yfory - a dwi heb redeg dim ers dydd Mawrth - Oh No!!

Tan tro nesaf! (os fyddai dal yma!)

Hwyl

Glyn

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?