Gorchwylion Pwrpas

Yn ôl diffiniad y Siarter, prif amcan y BBC yw hyrwyddo ei chwe diben cyhoeddus. Dyma'r chwe diben:

1. Cynnal dinasyddiaeth a chymdeithas sifil
2. Hyrwyddo addysg a dysgu
3. Ysgogi creadigrwydd a rhagoriaeth ddiwylliannol
4. Cynrychioli'r DU, ei gwledydd, ei rhanbarthau a'i chymunedau
5. Dod â'r DU at sylw'r byd a'r byd at sylw'r DU
6. Wrth hyrwyddo ei ddibenion eraill, helpu i sicrhau bod y cyhoedd yn elwa o'r technolegau a'r gwasanaethau cyfathrebu sy'n datblygu ac, yn ogystal, cymryd rôl arweiniol yn y broses o newid i deledu digidol

Rydyn ni wedi llunio cylch gorchwyl ar gyfer y BBC yng nghyswllt pob un o'r dibenion cyhoeddus hyn. Mae'r gorchwylion yn dangos y blaenoriaethau rydyn ni wedi'u pennu i'r Weithrediaeth a sut y byddwn ni'n asesu perfformiad y Weithrediaeth yn eu herbyn.

Rydyn ni hefyd wedi cyhoeddi fframwaith gweithredu'r gorchwylion pwrpas. Mae hwn yn esbonio sut rydyn ni'n adolygu ac yn monitro'r perfformiad yn erbyn y gorchwylion.