Cwynion ac apeliadau masnachu teg

Cwynion am y ffordd y bydd y BBC yn gwneud ei weithgareddau masnachol neu'n rhyngweithio â marchnadoedd masnachol yw cwynion masnachu teg. Os hoffech chi wneud cwyn masnachu teg, dylech chi gwyno wrth Weithrediaeth y BBC. Os byddwch chi'n anfodlon â'r ateb a gewch chi gan Weithrediaeth y BBC, gallwch chi apelio i'r Ymddiriedolaeth.

Canllawiau Masnachu Teg

Mae'r BBC wedi nodi ei ddull gweithredu ynghylch materion yn ymwneud â masnachu teg mewn canllawiau a datganiadau polisi. Os byddwch chi'n credu bod y BBC wedi methu cydymffurfio â'r rhain, efallai y bydd gennych chi sail dros gwyno.

Gallwch chi weld Canllawiau Masnachu Teg y BBC ar wefan y BBC.

Canllawiau Masnachu Teg ar wefan y BBC

Efallai y bydd arnoch chi hefyd eisiau darllen datganiad polisi'r Ymddiriedolaeth ynghylch masnachu teg. Mae hwn yn nodi'r egwyddorion a ddylai fod yn sail i holl fasnachu'r BBC.

Mae rhagor o ganllawiau yn natganiad polisi'r Ymddiriedolaeth ynghylch effaith gystadleuol. Mae hwn yn nodi sut y bydd y BBC yn ystyried effaith gystadleuol gweithgareddau'r BBC yn y farchnad ehangach.

Sut mae cwyno

Gallwch chi weld sut mae gwneud cwyn masnachu teg ar wefan y BBC.

Dudalen gweithdrefn cwynion masnachu teg

Sut mae apelio

Os byddwch chi'n anfodlon â'r ateb a gewch chi gan Weithrediaeth y BBC, gallwch chi apelio i'r Ymddiriedolaeth. Mae proses cwynion ac apeliadau masnachu teg yr Ymddiriedolaeth yn esbonio sut y gallwch chi wneud hyn.

Os byddwn ni'n cyfiawnhau eich apêl, bydd modd i ni osod sancsiynau. Mae'r rhain yn cynnwys rhoi cyfarwyddyd i'r BBC ymddiheuro; cyfarwyddo'r Weithrediaeth i gymryd camau i atal hyn rhag digwydd eto; a gofyn i'r BBC ystyried camau disgyblu priodol.

Sylwer na allwn ni ystyried apeliadau sy'n ymwneud â'r gyfraith gystadleuaeth. Dylech chi gyfeirio'r rhain ar yr awdurdod cystadleuaeth perthnasol.