Partiyanın lideri Devid Kameron deyib ki, hakimiyyətə gələndən sonra Avropa İttifaqının bütün müqavilələrini referendum yolu ilə təsdiqləyəcək və İttifaqın bəzi qaydalarını yenidən gözdən keçirəcək.

Torilərin bu mövqeyinə sərt reaksiyalar verilib. Fransanın Avropa məsələləri üzrə naziri Pyer Leluş deyib ki, belə planlar heç bir zaman uğurlu ola bilməz. Nazir əlavə edib ki, o, Konservativlərin Britaniyanın nüfuzunu "məhdudlaşdırmaq" istədiyini görməkdən çox məyusdur.

Aİ parlamentinin Almaniyadan olan üzvü Elmar Brok da bu arada deyib ki, Konservativlər adi vətəndaşların narahatlıqları ilə məşğul olmaqdansa, heç bir zaman bitməyən institusional müzakirəni yenidən qızışdırmaq istəyirlər.