Ötən ay Danimarka Nord Stream kəmərinin tikintisinə razılıq vermişdi. Kəmərin tikintisi 15 milyard dollara başa gələcək.

Bundan sonra kəmərin tikintisinə Finlandiya, Rusiya və Almaniyanın da razılıq verməsi lazımdır.

İşə başlayandan sonra kəmər vasitəsilə ildə 55 milyard kub metr qaz Rusiyanın Vıborq limanından Almaniyanın Greifswald portuna daşınacaq.

Ötən il İsveçin ətraf mühit naziri Andreas Carlgren bildirmişdi ki, layihə Baltik dənizinin ekosistemlərinə mənfi zərər vura bilər. İsveç bu layihənin həyata keçirilməsinə ən böyük maneə kimi qəbul edilirdi.

Ancaq İsveç naziri indi bildirib ki, kəmərin tikintisilə məşğul olan Nord Stream AG şirkətinin ətraf mühitlə bağlı son hesabatları hökuməti məmnun qoyub və layihə hökumətin ətraf mühitlə bağlı tələblərinə cavab verir.

Rusiyanın Gazprom şirkəti layihədə 51 faiz paya sahibdir.

Nord Stream şirkəti bildirib ki, İsveç hökumətinin təsdiqi layihə reallaşmağa bir addım daha yaxınlaşdırıb.