Mən Böyük Teatrın solisti olmağıma sevinirəm. Məncə bu, hər bir opera müğənnisinin ümdə arzularından biridir. Böyük Teatr nəinki Rusiya, hətta dünya mədəniyyətinin mərkəzidir. Bu faktor isə məni yeni yaradıcı nailiyyətlərə ürəkləndirir. Mən fəxr edirəm ki, Böyük Teatrda solist olacaq ilk azərbaycanlı müğənniyəm və sonuncu olmayacağıma ümid edirəm. Bu, məni böyük etimadı doğrultmağa ürəkləndirir.

BBC: Böyük Teatrda çıxış etmək vahiməli gəlmirmi sizə? Siz öz emosiyalarınızın öhdəsindən necə gəlməyi planlaşdırırsız?

Mən artıq bu səhnədə Puççininin Turandot əsərindən bir surəti ifa etmişəm. Əlbəttə ki , çıxış etmək həyəcanlandırıcı idi. Amma səhnədə özümü çox rahat hiss edirdim. Mən çox xoşbəxt idim. Amma hər dəfə sənhəyə çıxanda müəyyən həyəcan olur. Səhnədə çoxdan olduğumdan buna artıq alışmışam. Bunun böyük məsuliyyət olduğunu da unutmuram.