Şərhçilərin fikrincə, bu məsələnin həlli Nabukko qaz kəməri layihəsinin perspektivlərini daha da yaxşılaşdıra bilər.

Xəzər dənizinin dibilə çəkilə bilən boru xətti mümkünlüyü Nabukkonun qaz təchizatı məsələsinin böyük bir hissəsini həll edə bilərdi.

Cəmi bir neçə gün öncə Türkmənistan prezidenti Qurbanqulu Berdımuxamedov demişdi ki, ölkəsi Nabukkonu qazla təchiz etməyə hazırdır.

Lakin Rusiya ekoloji təhlükəni səbəb gətirərək, Xəzərin dibilə qaz boru xəttinin çəkilməsinə etiraz edir. Baxmayaraq ki, Moskva özü Qara dənizin dibilə ixrac kəmərlərinin çəkilməsini nəzərdən keçirir.