Afrika ölkələrinin əksəriyyəti ərzaq qıtlığından əziyyət çəkir

İtaliyada G-8 və yaxud Böyük Səkkizlər sammitinin liderləri ərzaq qıtlığından əziyyət çəkən ölkələrdə ərzaq istehsalının inkişafı üçün 15 milyrad dollarlıq investisiya paketini elan ediblər.

Ərzaq qıtlığından əziyyət çəkən ölkələrin əksəriyyəti Afrika qitəsində yerləşir.

Sammit iştirakçıları inkişaf etməkdə olan ölkələrdə kiçik aqrar təsərrüfatlarına yardım vasitələrini nəzərdən keçiriblər.

BMT-nin Ərzaq və Aqrar Agentliyinin başçısı Jak Diof yoxsul ölkələrə ərzaq yardımından aqrar sahəyə investisiyalara keçidi salamlayıb.

Bununla belə, o deyib ki, dünyada aclıqla mübarizə aparmaq üçün tək pul yetərli deyil.

Dünya liderləri yardım agentlikləri və inkişaf etməkdə olan ölkələr tərəfindən güclü təzyiqlərə məruz qalırdılar.

Onlardan 4 il bundan əvvəl yardım məsələsində verdikləri vədlərə əməl etmək tələb olunurdu.