İlk addımlar Aİ-nın Britaniya ilə bu məsələdə həmrəy olduğunu nümayiş etdirir. Hal-hazırda səfirliyin iki əməkdaşı hələ də həbsdədir və İranın nüfuzlu Mühafizlər Şurasının sədri Ayatolla Əhməd Cənnəti onların mühakimə ediləcəklərini bəyan edib. Avropa İttifaqı həmin şəxslərin dərhal azad edilməsini tələb edib. Avropa İttifaqı həmçinin İran diplomatlarının və məmurlarının vizalarının hüquqiliyini dayandırır. Aİ rəsmisi BBC-yə deyib ki, tədricən tədbirlərin sərtliyi də artırıla bilər. Onun sözlərinə görə, masa üzərində bir çox təkliflər var.

Gələn həftə İtaliyada başlayan Böyük Səkkizlərin görüşünün gündəliyində İranla münasibətlər gündəlikdə əsas yeri tutacaq.İtaliya, Almaniya və İsveç daxil olmaqla bir sıra Aİ üzvləri İranla ehtiyatlı davranmanın tərəfindədirlər. Onlar deyirlər ki, Aİ İranı təcrid etməkdənsə, onunla dialoqu davam etdirməlidir.

Lakin əgər Britaniya səfirliyinin işçiləri məhkəməyə çıxarılarlarsa, Avropa İttifaqının daha sərt diplomatik mövqe tutmaqdan başqa çıxış yolu qalmaya bilər.