Rusiya parlamentinin aşağı palatası səs çoxluğu ilə prezidentlik müddətinin 4 ildən 6 ilə qədər uzadılmasına dair qanun layihəsini təsdiq edib.

Qanun layihəsi 3-cü və yekun oxunuşda deputatların 80 faizindən çoxu tərəfindən təsdiq olundu.

Yeni qanun eləcə də aşağı palata üzvlərinin deputatlıq mandatının 4 ildən 5 ilə qədər uzadılmasını nəzərdə tutur.

Yeni müddət artıq növbəti prezidentə şamil ediləcək.

Bu ayın əvvəli prezident Dmitri Medvedev bu məsələyə dair Konstitusiya dəyişiklikləri etmək istədiyini bəyan etmişdir.

Müxbirlərin dediyinə görə, yeni qanun daha çox ondan xəbər verir ki, baş nazir Vladimir Putin yenidən prezidentliyə qayıtmağı planlaşdırır.