Çin rəsmiləri bildirmişdir ki, xarici jurnalistlərin gələn həftə Pekində başlayacaq olimpiya oyunları zamanı internetə tam sərbəst girişinə icazə verilməyək.

Olimpiya Oyunlarının Təşkilat Komitəsinin sözçüsü Sun Ueyd jurnalistlərə deyib ki, bəzi vebsaytlar, o cümlədən Falunq Qonq hərəkatının internet səhifəsi bağlanacaq.

Argentinalı internet jurnalisti Fabian Tetelbom deyib ki, belə vəziyyətdə çalışmaq olduqca çətindir.

"Mən bəzi səhifələrə qadağa qoyulduğunu gördüm. Məsələn, Amnesty İnternational. Tibetlə bağlı Vikepediyada informasiya əldə etmək istəyirdim. Bu qeyri-mümkün idi."

7 il əvvəl olimpiya oyunlarını keçirmək üçün ərizə təqdim edəndə çin hökuməti söz vermişdi ki, jurnalistlərin internet səhifələrinə girişi məhdudlaşdırılmayacaq.

Beynəlxalq Olimpiya Komitəsi məsələni araşdıracağını bildirmişdi.

Komitənin mətbuat komissiyasının başçısı Kevin Gosper vəziyyətə dair açıqlama vermək məcburiyyətində qalıb.

South China Morning Post qəzetinə müsahibəsində o deyib ki, intertdən tam, azad və açıq şəkildə istifadə vədi verilib.

Amma indi ona məsləhət veriblər ki, Beynəlxalq Olimpiya Komitəsinin bəzi rəsmiləri çinlilərlə müəyyən səhifələrin qapalı olacağına dair müzakirələr aparıblar.