Brüsseldə keçən görüşdə qeyd olunub ki, Serbiya ilə yaxın əlaqələr bilavasitə Belqradın Haaqa məhkəməsi ilə əməkdaşlığından asılıdır.

Avropa Birliyinə var-gücü ilə can atan Serbiya hökuməti ümid edir ki, Radovan Karaciçin həbsi qurumun hazırkı üzvlərini inandıra biləcək ki, Belqrad hökuməti Balkan müharibəsinin acı irsini aradan qaldırmaq əzmindədir.

Avropa Birliyi bildirib ki, bu həbs Serbiyanın quruma daxil olmasını daha asan və hamar edəcək.

Lakin dərhal irəliləyişin olmadığı Brüssel görüşü Serbiyanı, yəqin ki, bir qədər məyus etmiş olur.

Ümidlər var idi ki, Avropa Birliyi üzvlük əlaməti kimi Serbiyaya əlverişli ticarət şərtləri təklif edəcək.

Bununla belə, Avropa Birliyinin hazırki üzvləri bütün əlamətlərə görə, Karaciçin Serbiyadan ekstradisiyasını və daha sonra Belqradın Haaqa beynəlxalq tribunalı ilə necə əməkdaşlıq edəcəyini gözləyəcəklər.

Serbiya hələ də bu ilin sonuna qədər Avropa Birliyinə üzvlük ərizəsini verəcəyini deyir.