Türkiyənin Baş prokuroru Abdurahman Yalçınkaya hakim Ədalət və İnkişaf Partiyasını ölkədə dünyəviliyə qarşı yönəlmiş hərəkətlərin "beşiyinə çevrilməkdə" günahlandıraraq, partiyanın bağlanılmasını tələb edib.

Prokuror eyni zamanda baş nazir Rəcəb Tayib Ərdoğan da daxil olmaqla AKP-nin 71 üzvünün siyasi fəaliyyətinə qadağa qoyulmasını istəyir.

Məhkəmənin bu məsələ ilə bağlı iclaslarının bir neçə gün davam edəcəyi gözlənilir.

Konstitusiya Məhkəməsi bu gün başlayan müzakirələrin nəticəsində qəbul edəcəyi qərarla 4 aydan artıq davam edən prosesdə son nöqtəni qoyacaq.

Müxbirlərə istinadən hakim partiya proseslə bağlı kifayət qədər optimist əhval-ruhiyyədədir.

Son günlər keçirilən bir ictimai rəy sorğusunun iştirakçılarının 60 faizi partiyanın bağlanmaması, 40 faizi isə bağlanmasına tərəfdar olublar.