Hollandiya alimləri klassik skripkaları xüsusi skannerə salaraq aşkar ediblər ki, 300 illik Stradivari skripkalarında ağacın sıxlığı müasir alətlərdəkindən fərglənir.

Alimlərin zənn etdiyinə görə, bu, 17-ci ilə 18-ci əsrin ortalarında yaşamış Antonio Stradivari dövründə ağacların tam başqa iqlim şəraitində bitməsi ilə bağlı ola bilər.

Bizə çatmış 600 qədər Stradivari skripkası, violonçel və gitaraları o dərəcədə dəyərli sayılırlar ki, onlar nadir hərraclara çıxarıldıqda, milyonlarla dollara satılır.

Araşdırmaya başçılıq edən doktor Berend Ştoelin dediyinə görə, onlar aşkar etmişlər ki, yaşı 300 yaxın olan alətlər yay və qış fəslərində daha hamar bitmə izləri özlərində nümayiş etdirirlər.

18-ci əsrin əvvəllərində Günəş fəaliyyətinin bir qədər zəifləməsi bir növ mini buz dövrü yaratmışdır, yayla qış arası fərqlər azalmış və bunun nəticəsi olaraq ağaclar daha yavaş bitməyə başlamışdır.

Və o dövrdən bəri bu kimi iqlim şəraiti artıq təkrar olunmayıb.

Sözsüz ki, ixtiyar yaşlı Stradivari nadir ustalardan biri idi, amma, ola bilsin ki, onun uğurunda bəxti amili də nəzərə alınmalıdır.