Ümumdünya Səhiyyə Təşkilatının təxminlərinə görə, dərmanlara müqaviməti olan vərəm hallarının yalnız 2 faizinə düzgün diaqnoz qoyulur və xəstələyə lazımi müalicə kursu müəyyən edilir.

Hazırda diaqnozun qoyulmasına 2-3 ay tələb olunur. Lakin bu zaman ərzində vərəmin müqavimətli növünün başqalarına keçməsi mümkündür.

Çoxları elə düzgün müalicə almayaraq vəfat edirlər.

Bu gün açıqlanmış təşəbbüs müqavimətli vərəmin diaqnozunun yeni molekulyar metodunu təklif edir.

Belə ki, analizin nəticələrini 2 gündən sonra dəqiq demək mümkün olacaq.

26 milyon dollarlıq qrantlar sayəsində ÜST ölkələrə öz laboratoriyalarından yeni testləri həyata keçirmək üçün avadanlıqla təchiz edəcək.

Bundan başqa, daha 34 milyon dollar müqavimətli vərəmin müalicəsi üçün lazım olan dərmanların tədarükünə və onların qiymətlərinin 20 faizə kimi azaldılmasına sərf ediləcək.

ÜST deyir ki, yeni təşəbbüslər vərəmlə qlobal mübarizəyə əhəmiyyətli təsirə malik olacaq.

Vərəmin dərmana müqavimətli formasına hər il yarım milyon adam tutulur.