Polis homoseksuallıqla bağlı yeni ittihamları araşdırdığını bildirib.

Cənab Ənvər BBC-yə bildirib ki, Kuala Lumpurdakı Türkiyə səfirliyinə təhlükəsizliyini təmin etmək üçün gedib.

O, həbs olunarsa, polisin onunla rəftarından narahat olduğunu deyib.

Cənab Ənvər səfirlikdən sığınacaq istəmədiyini vurğulayıb. Amma o Malayziya hökumətindən öz təhlükəsizliyini təmin etmək üçün zəmanət istəyib.

Cənab İbrahim hökuməti onu gözdən salmaq üçün uydurma ittihamlar irəli sürməkdə günahlandırıb.

Baş nazir Abdulla Bədəvi bu ittihamı rədd edib.

Cənab Ənvər baş nazirin müavini vəzifəsindən 1998-ci ildə çıxarılıb.

O homoseksuallıq və korrupsiya ittihamları əsasında beş ili həbsdə keçirib.

Cənab Ənvər bu ittihamların siyasi məqsədli olduğunu iddia edib. O, siyasətə bu ilin əvvəli qayıdıb.