Əli Laricani - daha praqmatik mühafizəkar

Onun namizədliyini parlamentdə çoxluq təşkil edən mühafizəkar millətvəkilləri irəli sürmüşdülər.

Bununla belə Ağayi Laricani president Mahmud Əhmədinejadla müqayisədə daha praqmatik mühafizəkar sayılır.

Əli Laricani İranın mühafizəkar siyasi isteblişmentinin davamçılarından biridir.

Ruhani ailəsindən çıxmış cənab Laricani ölkənin ali ruhani lideri Ayatolla Xameneyinin sadiq müttəfiqidir.

O, 10 il İranın Dövlət Radio və TV şirkətinin başçısı olub.

Bu vəzifəsindən istifadə edərək o, İslam əleyhinə və yaxud qərbpərəst hesab edilən proqramların yayınlanmasının qarşısını alıb.

2005-ci ildə prezident seçilmiş Mahmud Əhmədinecad onu İranın Qərblə ziddiyyətli nüvə proqramına dair danışıqlarında əsas vasitəçi təyin edir.

Ötən ilin payızında cənab Laricani vəzifəsindən istefa verib.

Buna səbəb kimi prezidentlə fikir ayrılığı göstərilir.

Bu yaxınlarda o, Qum şəhərindən millət vəkili seçilib.

Parlamentin spikeri vəzifəsinə seçilməsi cənab Əhmədinecadın iqtisadiyyatın vəziyyəti və inflyasiyanın yüksək olması ilə bağlı həm islahatçıların, həm də mühafizəkarların tənqidinə tuş gəldiyi bir vaxta təsadüf edir.

Ötənlərdə bəzi parlament spikerləri bu vəzifədən prezident kürsüsü uğrundakı yarışlarda iştirak etmək üçün istifadə ediblər.

2005-ci ildə prezident seçkilərində namizədliyini irəli sürən cənab Laricaninin də məhz bu addımı ata biləcəyinə dair fikirlər mövcuddur.