Manilada düyü kisələri

BMT dünyada ərzaqa qiymətlərin artımını görünməmiş miqyasda dünya problemi kimi qəbul edir.

BMT Baş Katibi Ban Ki-Mün, dünyanın aclıq təhlükəsizliyilə
üzləşdiyini bildirib.

Onun sözlərinə görə, ərzaq problemi həll olunmayana qədər, dünyanı misli görünməyən dərəcədə qida çatışmazlığı, sosial etirazlalar kimi qlobal miqyaslı problemlər gözləyir.

İsveçrədə ərzaq böhranına həsr olunmuş Beynəlxalq sammitdə, Ban Ki Mun deyib ki, BMT qlobal ərzaq probleminin həll olunması üçün xüsusi komisiya yaradır.

Dünya Bankının rəhbəri Robert Zellik dünya ölkələrini ərzaq ehtiyyatlarını müdafiə etmək üçün ixraca qadağalardan istifadə etməməyə çağırıb .

Onun təbirincə, həmin qadağalar ərzaqın qizlədilməsinə və qiymətlərin daha da artmasına səbəb olur.

BMT təxminlərinə görə, ərzaqa qiymətlərin artımı nəticəsində hazırda dünyada 100 milyon adam ərzaq yardımına ehtiyacı yaranıb.