Neft qülləsi

Azərbaycanın öz neftinin böyük hissəsinə sahib çıxmağı gözlənildiyindən 7-8 il əvvəl baş verdi və bunun səbəbi dünyada neftə olan qiymətlərin artmasıdır.

Elə bu səbəbdən BP-nin 2008-ci ildə Azərbaycana köçürəcəyi pulların miqdarı ötən ilkindən 4 dəfə çox ola bilər.

Belə ki, neftə olan dünyadakı qiymətlər indiki səviyyədə qalsa, Azərbaycan bu il BP-dən 19 milyard dollardan çox alacaq.

Bill Şreyder həmçinin BP-nin şəffaflıq məsələlərinə çox ciddi əməl etdiyini bildirdi.

BP-Azərbaycan şirkətinin prezidenti Bill Şreyderin jurnalistlərə verdiyi məlumata görə, dünyada neftin qiyməti indiki səviyyədə qalsa, Azərbaycan BP-nin hasil etdiyi neftin öz payından bu il 19 milyard dollardan çox əldə edəcək.

Neft qiymətlərinin artması ilə yanaşı, Azərbaycanın daha çox pul əldə edəcəyinin daha bir səbəbi “əsrin müqaviləsi”nə əsasən təxminən 2 aydan sonra BP-nin ölkədə hasil etdiyi neftin 80 faizinin Azərbaycanın ixtiyarına verilməsidir.

Müqaviləyə əsasən, BP əvvəllər hasil etdiyi neftin 70 faizini özünə götürdüyü halda, Azərbaycana qoyduğu sərmayələri qaytardıqca bu faiz nisbəti Azərbaycanın xeyirinə dəyişirdi.

Əvvəllər faizin Azərbaycan üçün maksimal 80 faizə çatacağı 2016-cı il üçün gözlənilirdisə, neft qiymətlərinin artması BP-nin sərmayələrinin qaytarılmasını sürətləndirdi və Azərbaycan gözlənildiyindən daha tez öz neftinin böyük hissəsinə sahib oldu.

Bill Şreyderin dediyinə görə, bu məsələ onun şirkətini narahat etmir.