Lucky Dube maşınını oğurlamaq cəhdinin qarşısını alaraq cümə axşamı odlu silahdan qətlə yetirilmişdir.

20-dək albomun müəllifi olan qaradərili bəstəkar reqqi üslubunun ən tanınmış simalarından biri idi.

Onun yaradıcılığında insan haqları, ədalət, müharibənin gətirdiyi eybəcərliklər kimi mövzular öz əksini tapırdı.

1984-cü ildə musiqiçinin “Rastas Never Die” albomu antiaparteid çağırışlarına görə qadağan edilmişdir.

Cənubi Afrika və bütün dünyada reqqi ulduzunun ölümü ilə bağlı radiostansiyalar musiqiçiyə proqramlar həsr edirlər.