Rusiyada prezident seçkilərinə 10 gün qalmış Vladimir Putinin tərəfdarları internetdə gənc qızların cinsi əlaqəyə girməsi mövzusu ətrafında qurulan videolar yerləşdirib.
Silsilə “Putin: ilk dəfə yalnız sevgi ilə” adlanır.
Videoların birindən belə bir təəssürat yaranır ki, həkim qəbuluna gələn qadın bakirəliyinin itirilib-itirilməməsindən bəhs edir.
Lakin bundan bir az keçmiş Putinin seçki qabağı plakatının göstərilməsindən sonra söhbətin ilk dəfə səs verməkdən getdiyi aydın olur.
Həkim qadına “Putinlə təhlükəsizdir” deyə, məsləhət verir.
Növbəti səhnədə qadının seçki məntəqəsinə üz tutduğu nümayiş etdirilir.
Videoların “gənc auditoriyanı seçkilərə cəlb etmək məqsədilə" hazırlandığını deyən Adus ADV şirkəti kliplərin sifarişçisinin kim olduğunu açıqlamayıb, deyilir AFP agentliyinin məlumatında.
~RS~a~RS~azeri~RS~q~RS~part=last~RS~z~RS~41~RS~){kind=small}
