Y xromosomunun deqradasiyası nəticəsində kişilərin yer üzündən yox olmasına məhkum olacağı barədə məlumatları təkzib edən yeni dəlillər peyda olub.
Bundan əvvəlki təhqiqatlarda kişilərin malik olduğu Y xromosomunun sürətli deqradasiyası nəticəsində 5 milyon ildən sonra onun tamamilə yoxa çıxacağı proqnozu verilib.
Lakin Nature dərgisində dərc olunmuş yeni araşdırma xromosomdakı deqradasiya prosesinin demək ki, dayandığını qeyd edir.
Fəlakət proqnozları
2003-cü ildə dərc olunmuş “Adəmın ləyənəti: kişilərsiz gələcək” (Adam's Curse: A Future without Men) kitabında professor Brian Sykes kişilərin 100 min il ərzində yoxa çıxacağını bildirib.
90-cı ilin sonunda peyda olmağa başlayan bu kimi proqnozlar X və Y xromosomlarının müqayisəsinə əsaslanır.
X xromosomunda 800 gen mövcuddursa, yalnız kişilərin malik olduğu Y xromosomu cəmi 78 gendən ibarətdir.
Təhqiqatlar
Bundan əvvəlki təhqiqatda kişilərin ölümü ilə bağlı nəzəriyyələri araşdırmaq üçün xromosom 6 milyon il əvvəl təkamül inkişafında insanlardan ayrılan şimpanzenin Y xromosomu ilə müqayisə edilib.
Sonuncu araşdırmada insan xromosomu daha qədim makaka-rezus meymunun Y xromosomu ilə tutuşdurulub.
Təhqiqatın nəticələri göstərir ki, son 6 milyon il ərzində Y xromosomu dəyişməz qalıb.
25 milyon il ərzində isə kişilərin xromosomunda yalnız 1 gen itirilib.
Bu araşdırma göstərir ki, təkamülün ilkin mərhələlərində Y xromosomunda genlərin itirilməsi sürətlə baş verirsə, daha sonra müəyyən nöqtəyə çatan bu proses dayanır.
~RS~a~RS~azeri~RS~q~RS~part=last~RS~z~RS~30~RS~){kind=small}
