bbc.co.uk navigation

Olimpiyadan uzaqlarda: Beynəlxalq səhnəyə çıxmayan idman növləri

Son yeniləmə: 7 fevral, 2012 - 15:20 GMT

Olimpiyadan uzaqlarda

  • Özbək güləşi
    Kuraş güləşi, Parkent, Özbəkistan. Bu özbək güləş növü regiondakı digər güləş stillərinə bənzəyir. Amma Kuraş və ya Fərqana güləşi ölkədə ən məhşur və izdiham toplayan idman növlərindən biridir. Yarışlar adətən açıq havada keçirilir.
  • Küçə futbolu, Özbəkistan
    Küçə futbolu, Daşkənd, Özbəkistan. Hər bir məhəllə küçələrində uşaqların futbol oynadığını görmək mümkündür. Özbəkistanda bu ən məhşur və ölkə boyunca kök salmış yeganə Avropa oyunudur.
  • Özbək futbol azarkeşi
    Futbol azarkeşi, Paxtakor stadionu, Daşkənd, Özbəkistan. Özbək hakimiyyəti futbolun inkişafına maliyyə sərf edib və milli komanda bəzi uğurlara nail olub. Paytxat Daşkənddə böyük klublar arasında güclü rəqabət var.
  • Top oyunu, Özbəkistan
    Ənənəvi top oyunları, Buxara, Özbəkistan. Qızlar dini məktəbin - Mir Ərəb mədrəsəsinin həyətində topla oynayır.
  • Yabanı üzgüçülük, Özbəkistan
    Yabanı üzgüçülük, Daşkənd, Özbəkistan. Suya tullanmaq və üzgüçülük qızmar mövsümdə bir çox gənclər üçün ən məhşur idman növüdür. Daşkəndin mərkəzindəki bu su anbarı körpüdən suya tullanan gənclər üçün maraqlı üzgüçülük məkanıdır. Hava hərarətinin 45 dərəcə Selsiyə çatdığı yay aylarında gənclər bu idmandan həm də sərinlənmək üçün istifadə edirlər.
  • Qışda badminton
    Qışda badminton oyunu, Özbəkistan. Bu badminton oyunçuları "Morj" klununun üzvləridir. Oyundan sonra onlar yaxınlıqdakı kanalın buzlu sularında üzürlər və bədənlərini buzla sürtürlər.
  • Gənc tacik gimnastar
    Gimnastika, Düşənbə, Tacikistan. Tacik qızlar öz gimnastika bacarıqlarını Düşənbədə, Müdafiə Nazirliyinin idman binasında sınayır. Sovet İttifaqı dağılandan sonra populyarlığını itirmiş bu idman növünü dirçəltmək üçün gimnastları nazirlik maliyələşdirir
  • Qartal ilə ovçuluq.
    Qartal ilə ovçuluq, Qazaxıstan. Berkutçi - qazax qartal ovçusu öz quşu ilə. Bu idman növü Sovet İttifaqı dağılandan sonra dirçəlməyə başlayıb. İdman Nazirliyinin təşkil etdiyi milli yarışlarda 100-ə yaxın ovçu iştirak edir. Quşlar dovşan və tülküləri ovlamalı və öz sahibini tanıdıqlarını göstərmək üçün qayıdaraq onların qoluna qonmalıdırlar.
  • Qar raqbisi, Əfqanıstan
    Qar raqbisi - Kabul, Əfqanıstan. "Kabul United" Əfqanıstanda keçirilən ilk Qar raqbisi yarışında rəqiblərini məğlub edir. Yarış Qarğa parkında, 50 sm qarda keçirilir. Bu oyun həmçinin Argentina, Kanada, Hindistanın nəzarətində olan Kəşmir və Latviya kimi müxtəlif ölkələrdə keçirilir
  • Əfqan kulturistləri
    Bodibildinq, Kabul, Əfqanıstan. Bodibildinq Əfqanıstanda əsas idman növüdür. Yüzlərlə idman zalı ölkədə bu idman üçün şərait yaradır. Hətta Taliban hakimiyyəti dövründə belə bu idmana icazə verilirdi, ancaq atletlərin bədənlərini təraş etməyə və ya rəngini tündləşdirməyə icazəsi yox idi. Mr Əfqanıstan titulu uğrunda yarışlar hər il Kabulun Olimpiya stadionunda keçirilir.
  • Qadın Taekvandosu, Əfqanıstan
    Qadın taekvandosu, Əfqanıstan. Taekvando Əfqanıstana ilk Olimpiya medalını dörd il əvvəl Pekin oyunları zamanı qazandırıb. Daha az məlum olan fakt odur ki, Əfqanıstan Qadın takevando komandası beynəlxalq yarışlarda bir neçə dəfə medal qazanıb.
  • Buzkaşı, Əfqanıstan
    Buzkaşi, Əfqanıstan. Mərkəzi Asiya və Əfqanıstanın milli idman növü sayılan Buzkaşı yarışının iştirakçıları. Bacarıqlı sayılan atçılar başsız keçinin cəmdəyini finiş xəttinə çatdıraraq xal qazanırlar. Keçinin ağırlığı 30 kq-a qədərdir.
  • Əfqan qadın futbol komandası
    Qadın futbolu, Kabul, Əfqanıstan. Əfqan qızların komandası Kabulda Beynəlxalq Yardım qüvvələrinin (İSAF) yığması ilə yarışır.

More Multimedia

Other BBC sites

BBC © 2012 BBC kənar saytların məzmunu üçün məsuliyyət daşımır.

Bu səhifə veb-brauzerlərin kaskadlaşan üslub cədvəlləri (CSS) sistemi ilə dəstəklənmiş son versiyaları vasitəsilə daha yaxşı baxılır. Brauzerinizin mövcud versiyası sizə səhifənin əsas məzmununu göstərə bilər, lakin bəzi elementlər görünməz qalacaq. Səhifəyə baxışı tənzimləmək üçün brauzerinizin yeni versiyasını yükləməlisiniz, əks halda CSS dəstəyindən istifadə etmək lazımdır.