-
Səudiyyə Ərəbistanından olan Zain xərçəngdən qurtulub. O, Ümid qrupunun fəal üzvüdür və buna görə də, çəhrayı lent bağlayıb. Qrup xərçəng xəstələrinə, xüsusilə də yeni diaqnoz qoyulanlara baş çəkir, çünki başlanğıcda bu xəstəlik daha çətindir. Onlara öz başına gələnləri xəstələrlə bölüşür, onlar ürək-dirək və məsləhətlər verir. Qrupa adi insanlar və Səudiyyə Xərçəng Fondu dəstək verir. Foto: Abduljalil Al-Nasser, Səudiyyə Ərəbistanı -
Abdullah Dhaim 75 yaşındadır. Ona bir neçə il öncə yoğun bağırsaq xərçəngi diaqnozu qoyulub. Həkimlər onun bağırsağının 17 santimetrini kəsib götürüblər. Onun əhvali-ruhiyyəsi yüksəkdir. Sağalandan sonra digər xəstələrə baş çəkir və onlara ümidi itirməməyə kömək edir. Onun xanımında da bu yaxınlarda ciyər xərçəngi tapılıb. Foto: Abduljalil Al-Nasser, Səudiyyə Ərəbistanı -
Simon James, Britaniya: 2006-cı ildə mənə bağırsaq xərçəngi diaqnozu qoydular. Mən bir neçə əməliyyatdan və radioterapiyadan keçdim. Bu, müalicədən üç il sonra mənim daxili orqanlarımın scan şəklidir. İlk diqanozdan 6 il keçib və məndə indi xərçəng yoxdur. -
Kathy 58 yaşlı döş xərçəngi xəstəsidir. Xərçəngdən xilas olan bu qadın Cənubi Afrikadan, Cape Town şəhərindəndir. O, hələ də müalicə keçir ki, xərçəng qayıtmasın. Bu şəkli ötən il xərçəngdən xilas olması barədə xəbəri alanda çəkdirib. Kathy güclü və pozitiv qadındır. Əri Yanın və üşağının dəstəyi ona yardımçı olub. Şəkil: Jeanette Verster, ABŞ -
Zanda "Ömür ağacı" layihəsinin fəal iştirakçısıdır. Bu layihə xərçəng xəstələrinə yardım üçün işləyir. İki oğul anası olan qadın döş xərçəngdindən əməliyyat olunub və beləliklə, onun yenidən yaranması riski azalıb. Foto: Anna Jurkovska, Latviya -
Matt Edwards yazır: "Bu mənim xalam Darlene Graczyk-dur. O, ABŞ-ın İllinoys ştatındandır. Darlendə iki növ döş xərçəngi tapılmışdı. Bir neçə əməliyyatdan sonra o, xəstəlikdən xilas oldu. İndi güclü və pozitivdir. Biz səni sevirik". -
Dmitri Berkut, Rusiya. "Mən Serjlə (sağda) iki il əvvəl tanış oldum. O, qan xərçəngindən müalicə olunurdu. Mərkəzi Sibirdə doğulub. Onun qardaşları və bacıları var. Anası onunla xəstəxanada qala bilmirdi. İki yaşlı ər-arvad onu övladlığa götürdü. Sonra o sağaldı və xəstəxananı tərk etdi". Foto: Dmitri Berku, Rusiya -
Cathleen Daum, ABŞ: "Mənim adım Cathy-dir. Döş xərçənginə tutulmuşam. 9 ildir ki, məndə bu xəstəlik var. Biz xərçəng xəstələri arasında elə bir bağ var ki, onu heç kəs qıra bilməz". Cathleen Daum, ABŞ -
Marqarita Bəhmənovanın 37 yaşı var. 3 il əvvəl xərçəng diaqnozu qoyulub. O, dostundan xahiş edib ki, saçları tökülməzdən öncə şəklini çəksin. Foto: Valeri Klamm, Rusiya -
Rafael Nzioka Kenyadan, Nayrobidəndir. Onun 27 yaşı var və yoğun bağırsaq xərçəngindən əziyyət çəkir. -
Kathy Rymes (solda) 2009-cu ildə döş xərçəngi diaqnozu alıb. O, xərçəngə tutulanlara deyir ki, onlar yalnız deyil və sağalmaq üçün dərdlərini insanlarla bölüşməlidirlər. Michelle White-Malcolm (sağda) eyni ildə xərçəng diaqnozu alıb. Michelle deyir ki, xəstələr öz qorxularını ifadə etməlidirlər və digər insanların onlara yardım etməsinə imkan verməlidirlər. Fotoları ABŞ-da Scott Hussey özünün Xərçənglə Yaşamaq kitabı üçün çəkib.
~RS~a~RS~azeri~RS~q~RS~notabs=0&title=More Multimedia&index1_rootpath=/azeri/topics/video&index1_title=Video&index1_name=video&index1_type=topic&index2_rootpath=/azeri/topics/audio&index2_title=Audio&index2_name=audio&index2_type=topic&index3_rootpath=/azeri/topics/photo_gallery&index3_title=Foto- qalereya&index3_name=photo_gallery&index3_type=topic~RS~z~RS~09~RS~){kind=small}
