bbc.co.uk navigation

Leonardo da Vinçi: Milan Sarayının Rəssamı

Son yeniləmə: 9 noyabr, 2011 - 12:52 GMT

Leonardo da Vinçi: Milan Sarayının Rəssamı

  • Leonardo da Vinçi Londonda
    Çərşənbə günü London Milli Qalereyasında Leonardo da Vinçi sərgisi açılır. 1880-ci ildə qalereyanın aldığı və bu yaxınlarda bərpa olunmuş Qayaların Məryəm anası əsəri sərgilənən bir çox rəsmlərdəndir.
  • Leonardo da Vinçi Londonda
    Leonardo da Vinçi: Milan Sarayının Rəssamı adlı sərgidə rəssamın 60-dan artıq əsəri nümayiş olunur. Samur ilə xanım adlı əsər da Vinçinin patronu Ludovico Maria Sforzanın məşuqəsinin portretidir.
  • Leonardo da Vinçi Londonda
    Qadın Portreti (La Belle Ferronniere) cəngavər Ludovico il Moronun qrafinyası və ya onun digər məşuqələrindən birininki ola bilər. Rəsm sərgiyə Parisin Luvr muzeyindən gətirilib.
  • Sərgidə digər muzeylərdən borc alınmış əsərlər də var. 1488-90-cı illərə aid Müqəddəs Cerom əsəri Vatikandakı Pinacoteca rəsm qalereyasından gətirlib.
  • Leonardo da Vinçi Londonda
    Məryəm ana və Uşaq (Madonna Litta) əsəri Sankt Peterburqdakı Ermitaj muzeyindən gətirilib. Da Vinçinin bu məhşur əsərinə aid bəzi qələm rəsmləri də sərgilənəcək.
  • Leonardo da Vinçi Londonda
    Musiqiçinin portreti da Vinçinin çəkdiyi yeganə kişi portretidir. Özü musiqiçi olan Leonardo digər musiqiçilərlə işləmişdi, musiqi alətləri və saray şənlikləri üçün dizaynlar etmişdi.
  • Leonardo da Vinçi Londonda
    Madonna dei Fusi əsəri 2003-cü ildə oğurlanıb və 2007-ci ildə tapılıb. Onun sahibi - Buccleuch qrafı əsəri Milli Qalereyanın sərgisinə borc verib.
  • Leonardo da Vinçi Londonda
    Sərgidə həmçinin da Vinçinin bir çox qələm rəsmləri göstərilir. Onların arasında 1485-ci ildə çəkilmiş it pəncəsi də var. Əsər Şotlandiya Milli Qalereyasına mənsubdur.
  • Leonardo da Vinçi Londonda
    1490-1494-cü illərdə çəkilmiş beynin və kəllənin qatlarını əks etdirən qələm rəsmi Britaniya Kraliçasına məxsusdur.
  • Leonardo da Vinçi Londonda
    Qayaların Məryəm anası əsərini (solda) da Vinçi Milanda Kilsənin sifarişi ilə 1480-ci ildə çəkmişdi. Əsər Fransaya göndərildikdən sonra da Vinçi onu yenidən çəkməli oldu. 1508-ci ildə tamamlanmış əsər (sağda) Milli Qalereyaya məxsusdur. İki əsər ilk dəfədir ki, sərgidə birlikdə nümayiş olunur. Sərgi fevral ayınadək davam edəcək.

More Multimedia

Other BBC sites

BBC © 2012 BBC kənar saytların məzmunu üçün məsuliyyət daşımır.

Bu səhifə veb-brauzerlərin kaskadlaşan üslub cədvəlləri (CSS) sistemi ilə dəstəklənmiş son versiyaları vasitəsilə daha yaxşı baxılır. Brauzerinizin mövcud versiyası sizə səhifənin əsas məzmununu göstərə bilər, lakin bəzi elementlər görünməz qalacaq. Səhifəyə baxışı tənzimləmək üçün brauzerinizin yeni versiyasını yükləməlisiniz, əks halda CSS dəstəyindən istifadə etmək lazımdır.