-
Kapitalizmə etiraz edən nümayişçilər Londondakı Müqəddəs Pol (St Paul's Cathedral) kilsəsinin ətrafında düşərgə saldığı üçün, kilsə, 2-ci Dünya Müharibəsindən bəri ilk dəfədir ki, bağlanıb. "Londonu işğal et" adlanan düşərgə hərəkatı "şirkətlərin acgözlüyünə və kapitalizmə" etiraz edir. (Fotoların müəllifi Könül Xəlilovadır) -
Müqəddəs Pol kilsəsini idarə etmək üçün gündəlik 16-20 min funt sterlinq xərc tələb olunur. Turizm bu xərclərin 80 faizini ödəyir. Ancaq kilsənin qarşısında artıq bir həftədir ki, davam edən etiraz nümayişi onun gəlirlərini kəskin şəkildə aşağı salıb. Kilsə nümayişçilərdən meydanı tərk etməyi xahiş edib. -
Kilsəni ziyarət etmək istəyən məyus turistlər nümayişçilərin qərarından razı deyil. Amma bəziləri üçün Londonun ürəyində keçirilən bu düşərgə hərəkatını izləmək zövqvericidir. -
Düşərgədə xüsusi ibadət otağı var. İçərisində büt qoyulmasına baxmayaraq, bu çadır bütün dinlərin nümayəndələri üçündür. Üzərinə asılmış elanda elə belə də yazılıb: "Bütün məzhəb və dinlər buyursun. Bura hörmətlə yanaşın və içərini tapdığınız kimi qoyub gedin". -
Məlumata görə, çadırlarda 300-ə yaxın nümayişçi yaşayır. "London Birjasını işğal et" şüarı ilə başlayan düşərgə nümayişləri artıq "Londonu işğal et" hərəkatı" kimi tanınır. Nümayişçilər Milad Bayramına kimi meydanı tərk etməyəcəklərini deyirlər. -
Jurnalistlər hər gün çadırlara baş çəkir, sakinlərdən müsahibələr alırlar. Çadır həm də nümayişçi tələbələrin dərslərini öyrəndikləri yerdir. -
Etirazçılar Guy Fawkes maskaları geyiniblər. O, müsbət obraz hesab olunmur. 1605-ci ildə kralı qətlə yetirmək cəhdi uğursuzluğa düçar olmuş Guy Fawkes-un müqəvvası hər il xüsusi mərasimdə, tonqalda yandırılır. Ancaq "Londonu işğal et" hərəkatı ondan kapitalizmə etiraz nişanı kimi istifadə edir. -
Nümayişçilər divarlardan birinə "Təhrir meydanı, London" yazılmış ünvan qeydi asıblar. Onlar Londonun bu hissəsini Misirdə prezidenti devirən nümayişlər zamanı çadırların qurulduğu mərkəzi meydana bənzədirlər. -
Bir küçə rəqqası qapıları bağlanmış Müqəddəs Pol kilsəsinin pilləkanları üzərində turistləri və düşərgədəkiləri əyləndirmək qərarına gəlib. -
Britaniyanın xarici işlər naziri Uilyam Heyq BBC-ə deyib ki, etiraz nümayişləri itqisadi problemlər üçün həll yolu deyil. Hərəkat Nyu Yorkda başlayan və dünyanın müxtəlif ölkələrinə yayılan ''Wall Street'i işgal et'' kampaniyasının bir hissəsdir.
~RS~a~RS~azeri~RS~q~RS~notabs=0&title=More Multimedia&index1_rootpath=/azeri/topics/video&index1_title=Video&index1_name=video&index1_type=topic&index2_rootpath=/azeri/topics/audio&index2_title=Audio&index2_name=audio&index2_type=topic&index3_rootpath=/azeri/topics/photo_gallery&index3_title=Foto- qalereya&index3_name=photo_gallery&index3_type=topic~RS~z~RS~33~RS~){kind=small}
