Bakıda propan qazı daşıyan yük maşınının aşması və yanğına səbəb olması Nizami, Xətai və Sabunçu rayonlarına qaz verilişi müvəqqəti dayandırılmasına səbəb olub.
Hadisə nəticəsində heç kim xəsarət almayıb.
AzəriQaz İstehsalat Birliyinin Trendə verdiyi məlumata görə, maye qaz daşıyan yük maşını magistral qaz kəməri yaxınlığında aşdığından başqa qəzalara yol açmamaq üçün bu addım atılıb.
Qaz verilişinin axşama doğru bərpa ediləcəyi gözlənilir.
Nizami rayon Polis İdarəsi məlumat verir ki, hadisə çərşənbə günü saat 1-də Bakı neftayırma zavodunun yaxınlığında, qazdoldurma məntəqəsinin qarşısında qeydə alınıb.
“Maye qaz daşıyan yük maşını yoldan çıxaraq aşıb. Nəticədə yanğınla müşahidə olunan partlayış baş verib”.
Hazırda 12-dən çox yanğınsöndürən maşın yanğının söndürülməsi üzərində iş aparır. Güclü külək isə iş prosesinə mane olur.
~RS~a~RS~azeri~RS~q~RS~part=last~RS~z~RS~19~RS~){kind=small}
