Davos Forumunda iştirak edən tərəflər təbii qazın nəqli üçün müştərək şirkətin yaradılmasına dair saziş imzalayacaqlar.
Bu barədə planlari ilə Azərbaycan Ukrayna danışıqlarından sonra prezident Viktor Yanukoviç bölüşüb.
“Ukrayna Xəzər qazının nəqlində istehlakçı və öz resurslarımızı cəlb etməklə qaz-nəqliyyat sisteminin inşasında iştirak edəcək ölkə kimi işləri davam etdirəcək. Biz bunda maraqlıyıq”, - Trend agentliyində Ukrayna prezidentindən iqtibas gətirilir.
Viktor Yanukoviç qaz layihələri ilə bağlı Ukrayna, Azərbaycan və Türkiyə arasında üçtərəfli danışıqların davam etdirildiyini bildirib.
Unian agentliyi ildə 5 milyard kubmetr qazın Ukraynaya ixracı barədə sazişin prezidentlərin iştirakı ilə imzalanacağını xəbər verir.
Yeni təşəbbüs ötən ilin yanvar ayında Ukraynaya maye qazın ixracı ilə bağlı imzalanmış müqaviləyə əsaslanır.
Layihə Ukraynanın Qara dəniz sahilində qazın mayeləşdirilməsi üzrə terminalın inşası və müştərək müəssisənin qurulmasını nəzərdə tutur.
~RS~a~RS~azeri~RS~q~RS~part=last~RS~z~RS~37~RS~){kind=small}