Contains some strong language
There's hair on't
O' ere yestreen I stented graith,
An' labor'd lang an' sair on't;
But fient a work, na work wad it,
There's sic a crap o' hair on't.
There's hair on't, there's hair on't,
There's thretty thrave an' mair on't;
But gin I live to anither year,
I'll tether my grey naigs on't.
An up the glen there rase a knowe,
Below the knowe a lair on't,
I maist haed perish'd, fit an' horse,
I could na see for hair on't.
But I'll plant a stake into the flowe,
That ploughmen mey tak care on't;
An' lay twa steppin'-stanes below,
An syne I'll cowe the hair on't.