Contains some scenes of a sexual nature

The Jolly Gauger


There was a jolly gauger, a gaugin' he did ride, And he has met a beggar doon by yon river side. And we'll gang nae mair a rovin' wi' ladies tae the wine, When a beggar wi' her meal-pocks can fidge her tail sae fine. Amang the broom he laid her; amang the broom sae green, And he's fa'n to the beggar, as she had been a queen. And we'll gang nae mair a rovin' wi' ladies tae the wine, When a beggar wi' her meal-pocks can fidge her tail sae fine. My blessings on thee, laddie, thou's done my turn sae weel, Wilt thou accept, dear laddie, my pock and pickle meal? And we'll gang nae mair a rovin' wi' ladies tae the wine, When a beggar wi' her meal-pocks can fidge her tail sae fine. Sae blythe the beggar took the bent, like ony bird in spring, Sae blythe the beggar took the bent, and merrily did sing, And we'll gang nae mair a rovin' wi' ladies tae the wine, When a beggar wi' her meal-pocks can fidge her tail sae fine. My blessings on the gauger, o' gaugers he's the chief, Sic kail ne'er crost my kettle, nor sic a joint o' beef, And we'll gang nae mair a rovin' wi' ladies tae the wine, When a beggar wi' her meal-pocks can fidge her tail sae fine.

Listen

Derek Riddell

About this work

This is a song by Robert Burns. It is read here by Derek Riddell.

Themes for this song

seduction bawdry drink

Skip to top

BBC © 2014 The BBC is not responsible for the content of external sites. Read more.

This page is best viewed in an up-to-date web browser with style sheets (CSS) enabled. While you will be able to view the content of this page in your current browser, you will not be able to get the full visual experience. Please consider upgrading your browser software or enabling style sheets (CSS) if you are able to do so.