The Heron Ballads : Wham will we send to London town


Wham will we send to London town, To Parliament, and a' that, Wha maist in a' the country round, For worth and sense may fa' that. For a' that, and a' that, Thro' Galloway and a' that, Whilk is the Laird, or belted Knight, That best deserves to fa' that? Wha sees Kirouchtree's open yett, And wha is 't never saw that, Or wha e'er wi Kirouchtree met, That has a doubt of a' that? For a' that and a' that, Here's Heron yet for a' that; The independent Patriot, The Honest Man, and a' that. Tho' wit and worth, in either sex, Saint Mary's Isle can shaw that; Wi' Lords and Dukes let Selkirk mix, For weel does Selkirk fa' that. For a' that and a' that, Here's Heron yet for a' that; An independant Commoner Maun bear the gree and a' that. To paughty Lordlings shall we jouk, And it against the law, that: For even a Lord may be a gowk, Tho' sprung frae kings and a' that. For a' that and a' that, Here's Heron yet for a' that; A lord may be a lousy loun, Wi' ribband, star and a' that. Yon beardless boy comes o'er the hills, Wi's uncle's gowd, and a' that: But we'll hae ane frae 'mang oursels A man we ken and a' that. For a' that and a' that, Here's Heron yet for a' that; We are na to the market come Like nowt and naigs and a' that. If we are to be knaves and fools, And bought and sauld and a' that, A truant callan frae the schools It's ne'er be said did a' that. For a' that, and a' that, Here's Heron yet for a' that; And Master Dicky, thou shalt get A gird and stick to ca' that. [Then let us drink the Stewartry, Kirochtree's Laird, and a' that, Our Representative to be, For weel he's worthy a' that. For a' that, and a' that, Here's Heron yet for a' that; A House o' Commons such as he, They wad be blest that saw that].

Listen

Paul Young

About this work

This is a song by Robert Burns. It was written in 1795 and is read here by Paul Young.

Themes for this song

politics class

Selected for 28 March

The fourth (and last) lyric in our sequence of campaign poems written by the Bard in an attempt, successful as it turned out, to have Patrick Heron, 'Kirrochtree's Laird', elected to Parliament in the Whig interest, one of Burns's many lyrics to the tune, 'For A' That'.

Donny O'Rourke

Skip to top

BBC © 2014 The BBC is not responsible for the content of external sites. Read more.

This page is best viewed in an up-to-date web browser with style sheets (CSS) enabled. While you will be able to view the content of this page in your current browser, you will not be able to get the full visual experience. Please consider upgrading your browser software or enabling style sheets (CSS) if you are able to do so.