Previous work:

Next work:

Scotish Ballad


Last May a braw wooer cam down the lang glen, And sair wi' his love he did deave me; I said, there was naething I hated like men, The deuce gae wi'm, to believe me, believe me, The deuce gae wi'm, to believe me. He spak o' the darts in my bonie black een, And vow'd for my love he was dying; I said, he might die when he liked for Jean- The Lord forgie me for lying, for lying, The Lord forgie me for lying! A weel-stocked mailen, himself for the laird, And marriage aff-hand, were his proffers: I never loot on that I kend it, or car'd, But thought I might hae waur offers, waur offers, But thought I might hae waur offers. But what wad ye think? In a fornight or less, The deil tak his taste to gae near her! He up the lang loan to my black cousin, Bess, Guess ye how, the jad! I could bear her, could bear her, Buess ye how, the jad! I could bear her. But a' the niest week as I petted wi' care, I gaed to the tryst o' Dalgarnock; And wha buy my fine, flickle lover was there, I glowr'd as I'd seen a warlock, a warlock, I glowr'd as I'd seen a warlock. But owre my left shouther I gae him a blink, Least neebors might say I was saucy: My wooer he caper'd as he'd been in drink, And vow'd I was his dear lassie, dear lassie, And vow'd I was his dear lassie. I spier'd for my cousin fu' couthy and sweet, Gin she had recover'd her hearin, And how her new shoon fit her auld shachl't feet; But, heavens! How he fell a swearin, a swearin, But, heavens! How he fell a swearin. He begged, for Gudesake! I was be his wife, Or else I was kill him wi' sorrow: So e'en to preserve the poor body in life, I think I maun wed him tomorrow, tomorrow, I think I maun wed him tomorrow.

Listen

Eddi Reader

About this work

This is a song by Robert Burns. It was written in 1795 and is read here by Eddi Reader.

Themes for this song

marriage seduction humour religion

Skip to top

BBC © 2014 The BBC is not responsible for the content of external sites. Read more.

This page is best viewed in an up-to-date web browser with style sheets (CSS) enabled. While you will be able to view the content of this page in your current browser, you will not be able to get the full visual experience. Please consider upgrading your browser software or enabling style sheets (CSS) if you are able to do so.