Stadiumi Hose Alvalade

Kapaciteti i stadiumit: 52 mijë
Kostoja: 52 milionë stërlina
Ekipi vendas: Sporting i Lisbonës

Një arkitekturë e guximshme i ka dhënë këtij stadiumi ngjyrat tradicionale të ekipit vendas, Sporting i Lisbonës, të gjelbrën dhe të bardhën.

Stadiumi është i mbuluar dhe mbulesa mbahet nga katër shtylla të mëdha në formën e një direku, të cilat simbolizojnë anijet dikur të famshme portugeze.

Kompleksi që rrethon stadiumin ka një numër baresh, restorantesh, kinemash dhe sallash sportive. Në këtë stadium do të luhet ndeshja finale e Kupës UEFA vitin e ardhshëm.

Stadiumi ka edhe një akustikë të mirë duke orfuar mundësinë që në të të zhvillohen edhe koncerte.

Lisbona

Ndeshjet në këtë stadium • 14 qershor: Suedi - Bullgari • 20 qershor: Spanjë - Portugali • 23 qershor: Gjermani - Çeki Çerekfinalet • 25 qershor: Fituesja e grupit B - E dyta e grupit A Gjysmëfinalet • 30 qershor: Fituesja e çerekfinales 1 - Fituesja e çerekfinales 3

Kryeqyteti i Portugalisë, i cili shtrihet mbi një zonë kodrinore në veri të lumit Tagus, është i njohur për jetën e natës, restorantet, baret dhe klubet e shumëllojshme.

Në Lisbonë ka mbi 30 lokale ku turistët mund të dëgjojnë variantin portugez të këngëve 'blues', që njihen si këngë 'fado', ndonëse duhet treguar kujdes për çmimet e hyrjes në këto klube.

Në Lisbonë ndodhet edhe një nga lokalet më të preferuara të natës, Luks, me shumë emër edhe në Europë, bashkëpronar i të cilit është aktori i njohur John Malkoviç.

Në këtë rajon ndodhet edhe qyteti romantik Sintra me kështjellën e saj si dhe pikat turistike Cascais dhe Estoril.