Stadiumi Estadio da Luz

Kapaciteti i stadiumit: 65 mijë
Kostoja: 78.1 milionë stërlina
Ekipi vendas: Benfika

Ky është stadiumi i klubit të njohur portugez të Benfikës, dhe njihet si 'katedralja' nga tifozët e tij. Në këtë stadium do të zhvillohet ndeshja finale e Euro 2004-ës.

Estadio Da Luz (Stadiumi i Dritës) u projektua nga ekipi i arkitektëve që punuan për stadiumin e Sidnejt të Australisë për Lojërat Olimpike të vitit 2000.
Për t'iu përmbajtur emrit të stadiumit, arkitektët kanë shfrytëzuar në maksimum dritën natyrore.

Ky është stadiumi më i madh në Portugali. Ndër të tjera ai ka 55 bare.

Lisbona

Ndeshjet në këtë stadium • 13 qershor: Francë - Angli • 16 qershor: Rusi - Portugali • 21 qershor: Kroaci - Angli Çerekfinalet • 24 qershor: Fituesja e grupit A - E dyta e grupit B • 4 korrik: Ndeshja finale

Kryeqyteti i Portugalisë, i cili shtrihet mbi një zonë kodrinore në veri të lumit Tagus, është i njohur për jetën e natës, restorantet, baret dhe klubet e shumëllojshme.

Në Lisbonë ka mbi 30 lokale ku turistët mund të dëgjojnë variantin portugez të këngëve 'blues', që njihen si këngë 'fado', ndonëse duhet treguar kujdes për çmimet e hyrjes në këto klube.

Në Lisbonë ndodhet edhe një nga lokalet më të preferuara të natës, Luks, me shumë emër edhe në Europë, bashkëpronar i të cilit është aktori i njohur John Malkoviç.

Në këtë rajon ndodhet edhe qyteti romantik Sintra me kështjellën e saj si dhe pikat turistike Kaskais dhe Estoril.