Stadiumi Estadio Agarve

Kapaciteti i stadiumit: 30 mijë
Kostoja: 17.3 milionë stërlina
Ekipi vendas: Vitoria

Kompleksi i ri 'Estadio Algarve' i ndërtuar me një arkitekturë futuriste ndodhet midis qyteteve Faro dhe Loule.

Nga jashtë stadiumi i ngjan një pavioni gjigand në formën e një tende.
Pas përfundimit të finaleve të kampionatit evropian tribunat në pjesën veriore dhe jugore do të rindërtohen për të krijuar hapësirë për një pistë garash atletike.

Stadiumi ndodhet në një zonë të gjelbër, pranë një kopshti botanik, një liqeni dhe një terreni sportiv golfi.

Qytetet Faro dhe Loule

Euro: Ndeshjet në stadiumin Algarve • 12 qershor: Spanjë - Rusi • 20 qershor: Rusi - Greqi Çerekfinalet • 26 qershor: Fituesja e grupit C - E dyta e grupit D

Qytetet Faro dhe Loule shtrihen në rajonin e Algarvës, njëri prej destinacioneve kryesore turistike në Europë.

Moti mesdhetar me diell dhe prania e mbi 20 fushave të golfit në këtë zonë, u jep mundësi tursitëve të shijojnë pushimet në plazh por edhe të merren me sport.

Përgjatë bregdetit më në perëndim shtrihet Albufeira, me mbi 900 bare, e famshme për jetën e natës.

Në Vilamoura që shtrihet po në këtë zonë, ndodhet edhe Bar Sete, pronë e futbollistit të njohur portugez, Luis Figo.