Kuvendi debaton për imunitetin

Deputetët e shumicës qeverisëse kanë paraqitur disa projekt-ndryshime në Rregulloren e Kuvendit me synimin, sipas tyre, që t'i hapin rrugën prokurorisë në dënimin e korrupsionit.

Opozita thotë se nisma e shumicës është politike dhe synon t'i mbyllë gojën opozitës.

Opozita thotë se kufizimimi i imunitetit, siç propozohet, nuk prek ministrat deputetë.

Por deputetët e shumicës thonë se kufizimi i imunitetit është një "kalë beteje" për qeverinë në luftën kundër korrupsionit.

Më parë deputetët votuan me 119 vota pro dhe 3 kundër për heqjen e imunitetit të deputetit Dritan Prifti, i cili po hetohet nga prokuroria në lidhje me një video të fshehtë të tij dhe ish-zëvendëskryministrit Ilir Meta, i cili është nën hetime për korrupsion.

Zoti Prifti nuk ishte i pranishëm në seancë, por ishte shprehur më parë që ishte gati të hetohej dhe të hiqte dorë nga imuniteti i tij si deputet.