BBCAlbanian.com
 
Botuar: E mërkurë, 08 shtator 2010 - 08:21 CET
 
Dërgoja një miku   Version i printueshëm
Vazhdon dialogu për rezolutën serbe
 
Catherine Ashton
BE-ja kërkon amendimin e rezolutës serbe për Kosovën
Bashkimi Evropian dhe Serbia kanë rënë dakord për vazhdimin e dialogut për harmonizimin e qëndrimeve lidhur me projektrezolutën e paraqitur nga Serbia në Asamblenë e Përgjithshme të OKB-së.

Përfaqësuesja e Lartë e BE-së për Politikë të Jashtme, Catherine Ashton, u takua të martën në mbrëmje me presidentin serb Boris Tadiq, në Bruksel.

Të dyja palët nuk kanë dhënë hollësi për përmbajtjen e bisedimeve.

Por, korrespondentët thonë se, siç duket, palët kanë rënë dakord që në projektrezolutën serbe, si kompromis, të mos përmendet as çështja e secesionit dhe as dënimi i shpalljes së pavarësisë.

Asambleja e Përgjithme e OKB-së pritet të marrë në shqyrtim të enjten projektrezolutën e Serbisë për Kosovën.

Mësohet se vendet anëtare të BE-së kanë arritur pajtueshmërinë për një qëndrim të përbashkët ndaj Serbisë dhe rezolutës së saj, megjithëse një numër vendesh evropiane, që nuk e kanë njohur pavarësinë e Kosovës, thuhet të jenë pajtuar vetëm me parimet e përgjithshme, pa e prekur qëndrimin e tyre për Kosovën.

Autoritetet në Serbi, ndërkaq, thonë se nuk mund të heqin dorë nga qëndrimi kundër pavarësisë së Kosovës, por kanë pranuar se mund të arrihet një kompromis me BE-në për rezolutën e paraqitur në OKB.

Kjo rezolutë, që bën thirrje për rifillimin e bisedimeve për statusin e Kosovës dhe kundërshton, siç thuhet, shkëputjen e njëanshme, u dorëzua në OKB një javë pasi Gjykata Ndërkombëtare e Drejtësisë ofroi mendimin e saj për ligjshmërinë e shpalljes së pavarësisë së Kosovës.

 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>